قازاقستاننان اۋا كٶشٸپ جاتقان ورىستارعا «اق جول!» تٸلەپتٸ دوس كٶشٸم. قازاقستاننان قازاقتار دا كەتٸپ جاتسا, بۇل بيلٸككە بەرٸلگەن دەيدٸ ول. بۇل تۋرالى Dalanews.kz حابارلايدى.
«ارقادا قىس جىلى بولسا, ارقار اۋىپ نەسٸ بار? قازاقستان كەتٸپ جاتقاندار, كٶشٸپ جاتقاندار كٶبەيٸپتٸ. راس, اراسىندا تاريحي وتانىنا ورالىپ جاتقاندار دا بارشىلىق.
ال ەگەر استارىنا ٷڭٸلسەك, بيلٸككە بەرٸلگەن بەلگٸ بۇل. دابىل دەسەم دە بولادى.
قازاقستاننان كەتٸپ جاتسا, مۇنىڭ ەڭ باستىسى – ەكونوميكالىق سەبەپ. سانانى تۇرمىس بيلەمەي مە? تٸرشٸلٸك, كٷنكٶرٸستٸڭ كٷن ٶتكەن سايىن اۋىرلاپ جاتقانى ٶتٸرٸك ەمەس. ورتاشا جالاقىنىڭ شىن كٶلەمٸ قانداي ەكەنٸن سٸز دە, بٸز دە جاقسى بٸلەمٸز.
سولتٷستٸك قازاقستانعا كٶشٸپ بارعان جەتٸ بالاسى بار ازامات – 29 مىڭ تەڭگە ايلىق الادى ەكەن. شوشيسىز. 29 مىڭ تەڭگە جالاقىمەن جەتٸ بالاسىن قالاي اسىرايدى ول? بيلٸك حالىقتى وسىنداي جاعدايعا جەتكٸزدٸ, انىعى.
كەزٸندە باسقا نەۋبەت تٷسكەندە قىتاي اسقانىمىز, يران اسقانىمىز بار ەدٸ. بۇل دا نەۋبەت. قازاقستاننان كەتٸپ جاتقانداردىڭ كٶپشٸلٸگٸ بۇل ەلدەن سوڭعى ٷمٸتٸن ٷزگەن بولۋى مٷمكٸن.
كەدەي ەل ەدٸك ەۋەلدە. كەدەيلٸكتەن قۇتىلا العان جوقپىز ەلٸ دە. ۋاقىتتىڭ ٶزٸ دەلەلەدٸ مۇنى. قازاقستاننان كەتٸپ جاتسا, بۇل – بٸزدٸڭ ەلدٸڭ ەكونوميكاسىنا بەرٸلگەن باعا.
ەكٸنشٸ مەسەلە, ەدٸلەت جوق. ەدٸلەتتٸ قوعام ەلٸ ورناعان جوق. دەموكراتييا ەلٸ ورناعان جوق.
پوليتسيياسى بالانىڭ قولىنداعى كٶك شاردان كٷدٸكتەنەتٸن بۇل قانداي قوعام?
«مۇنداي قوعامدا كٷن كەشكەننەن, شەتەلگە بارايىن, ەدٸلەتسٸز ەلدەن اۋاشا كەتەيٸن…» دەپ ويلايتىندار دا بار شىعار.
كەيبٸرەۋلەر تٷپ وتانىنا ورالىپ جاتىر.
ورىستٸلدٸ قاۋىم لاتىن ەلٸپبيٸ ەنگەننەن كەيٸن تٸكٸسٸنٸپ قالدى.
«وسى ەلدەگٸ ەرتەڭگٸ كٷنٸمٸز نە بولار ەكەن?» دەپ ويلانا باستادى. ولار ٶز تاڭداۋىن جاساۋدا. بۇعان كەدەرگٸ كەلتٸرۋدٸڭ قاجەتٸ جوق. بۇعان رەنجۋدٸڭ دە قاجەتٸ جوق. ولاردىڭ تاڭداۋ جاسايتىن ۋاقىتى جەتتٸ…” دەگەن ەكەن كٶشٸم “نەگە سولاي?” باعدارلاماسىنا بەرگەن سۇحباتىندا.
