Dopty hokkeiden joǵary liga komandalary arasyndaǵy búkilreseilik jarysta Oraldyń «Aqjaiyǵy» jańa maýsymdaǵy alǵashqy matchyn Verhnii Ýfaleide «Nikelshik» klýbymen ótkizdi, dep habarlaidy "Ult aqparat".
Kezdesý asa tartysty ótti.
Birinshi taimda aidyn ielerinen 30-minýtta Anton Ponomarev esep ashqanymen, 43-minýtta «Aqjaiyq» quramyndaǵy reseilik legioner Maksim Pahomov tarazy basyn teńestirdi.
Oiynnyń ekinshi kezeńinde taǵy bir reseilik Sergei Bashaev (60-minýt) oraldyqtardy alǵa shyǵardy. Alaida 70-minýtta qonaqtar qaqpasyna belgilengen 12 metrlik aiyp dobyn Aleksandr Beskrovnyi dál oryndady. 87-minýtta «Aqjaiyq» qaqpashysy Viacheslav Gorchakov taǵy bir penaltidi qaitarǵanymen, Dmitrii Shadrin jeńis golyn soǵyp ketti.
Osylaisha «Nikelshik» komandasy 3:2 esebimen jeńiske jetti.
Reseilik tóreshiler qonaqtardy 80 minýttyq aiyp ýaqytymen jazalap, tipti 85-minýtta oraldyq qorǵaýshy Ilia Glýhovqa qyzyl qaǵaz kórsetip, aidynnan qýdy.
Komandalar erteń ekinshi kezdesýin ótkizedi.
Eske sala keteiik, budan buryn «Aqjaiyqtyń» quramynda birqatar ózgerister bolǵanyn jazǵan edik.
