Prezident Qasym-Jomart Toqaev «QR Sport jáne dene shynyqtyrý týraly keibir zańnamalyq aktilerge ózgertýler men tolyqtyrýlar engizý týraly» zańǵa qol qoidy, dep habarlaidy "Ult aqparat" Dene shynyqtyrý jáne sport komitetine silteme jasap.
Zań dopingke qarsy erejelerdi buzǵandardyń jaýapkershiligin qatańdatýǵa, Ulttyq dopingke qarsy uiymnyń mártebesin kúsheitýge baǵyttalǵan.
«Qoldanystaǵy zańnamaǵa dopingke qarsy erejelerdi buzǵany úshin jaýapkershilikti qatańdatý boiynsha ózgerister men tolyqtyrýlar engizý, atap aitqanda sportshyǵa doping taǵaiyndaǵan adamdarǵa qatysty ákimshilik jaýapkershilikti engizý qajettiligi týyndady. ol 200 ailyq eseptik kórsetkish mólsherinde aiyppul túrinde jazany kózdeidi», - delirngen komitettiń habarlamasynda.
Sonymen qatar, dopingti paidalanǵany úshin zań jobasynda:
- diskvalifikatsiia;
- sportshynyń sporttaǵy nátijesin joiý jáne biliktilik upailaryn nemese baldaryn alyp tastaý;
- aqshalai kótermeleýdi qaitarý;
- sportshylar men jattyqtyrýshylarǵa ómir boiy ai saiynǵy materialdyq qamsyzdandyrýdy tóleýdi toqtatý;
- sportshylarǵa, jattyqtyrýshylarǵa jáne klýb komandalarynyń basshylaryna ai saiynǵy aqshalai qamtýdy toqtatý;
- sporttyq ataǵynan aiyrý;
- Olimpiada, Paralimpiada jáne Sýrdlimpiada oiyndarynyń chempiony jáne júldegeri turǵyn úidi paidalaný shartyn buzý;
- sport túrleri boiynsha Qazaqstan Respýblikasynyń qurama jáne shtattyq qurama komandalarynyń quramynan sportshylardy, jattyqtyrýshylardy shyǵarý jazalary qarastyrylǵan.
Sondai-aq, zańnamada Olimpiada, Paralimpiada jáne Sýrdlimpiada chempiondary men júldegerlerine 10 jyl merzimge jalǵa baspana berý, sondai-aq doping-testilerdi saqtaý merzimi 10 jyl bolýyna bailanysty osy merzimge atalǵan turǵyn úidi ielikten shyǵarýǵa tyiym salý kózdelgen. Eger osy kezeńde synamada doping anyqtalmasa, turǵyn úi sportshynyń menshigine beriledi.
