پرەزيدەنت قاسىم-جومارت توقاەۆ «قر سپورت جەنە دەنە شىنىقتىرۋ تۋرالى كەيبٸر زاڭنامالىق اكتٸلەرگە ٶزگەرتۋلەر مەن تولىقتىرۋلار ەنگٸزۋ تۋرالى» زاڭعا قول قويدى, دەپ حابارلايدى "ۇلت اقپارات" دەنە شىنىقتىرۋ جەنە سپورت كوميتەتٸنە سٸلتەمە جاساپ.
زاڭ دوپينگكە قارسى ەرەجەلەردٸ بۇزعانداردىڭ جاۋاپكەرشٸلٸگٸن قاتاڭداتۋعا, ۇلتتىق دوپينگكە قارسى ۇيىمنىڭ مەرتەبەسٸن كٷشەيتۋگە باعىتتالعان.
«قولدانىستاعى زاڭناماعا دوپينگكە قارسى ەرەجەلەردٸ بۇزعانى ٷشٸن جاۋاپكەرشٸلٸكتٸ قاتاڭداتۋ بويىنشا ٶزگەرٸستەر مەن تولىقتىرۋلار ەنگٸزۋ, اتاپ ايتقاندا سپورتشىعا دوپينگ تاعايىنداعان ادامدارعا قاتىستى ەكٸمشٸلٸك جاۋاپكەرشٸلٸكتٸ ەنگٸزۋ قاجەتتٸلٸگٸ تۋىندادى. ول 200 ايلىق ەسەپتٸك كٶرسەتكٸش مٶلشەرٸندە ايىپپۇل تٷرٸندە جازانى كٶزدەيدٸ», - دەلٸرنگەن كوميتەتتٸڭ حابارلاماسىندا.
سونىمەن قاتار, دوپينگتٸ پايدالانعانى ٷشٸن زاڭ جوباسىندا:
- ديسكۆاليفيكاتسييا;
- سپورتشىنىڭ سپورتتاعى نەتيجەسٸن جويۋ جەنە بٸلٸكتٸلٸك ۇپايلارىن نەمەسە بالدارىن الىپ تاستاۋ;
- اقشالاي كٶتەرمەلەۋدٸ قايتارۋ;
- سپورتشىلار مەن جاتتىقتىرۋشىلارعا ٶمٸر بويى اي سايىنعى ماتەريالدىق قامسىزداندىرۋدى تٶلەۋدٸ توقتاتۋ;
- سپورتشىلارعا, جاتتىقتىرۋشىلارعا جەنە كلۋب كوماندالارىنىڭ باسشىلارىنا اي سايىنعى اقشالاي قامتۋدى توقتاتۋ;
- سپورتتىق اتاعىنان ايىرۋ;
- وليمپيادا, پاراليمپيادا جەنە سۋردليمپيادا ويىندارىنىڭ چەمپيونى جەنە جٷلدەگەرٸ تۇرعىن ٷيدٸ پايدالانۋ شارتىن بۇزۋ;
- سپورت تٷرلەرٸ بويىنشا قازاقستان رەسپۋبليكاسىنىڭ قۇراما جەنە شتاتتىق قۇراما كوماندالارىنىڭ قۇرامىنان سپورتشىلاردى, جاتتىقتىرۋشىلاردى شىعارۋ جازالارى قاراستىرىلعان.
سونداي-اق, زاڭنامادا وليمپيادا, پاراليمپيادا جەنە سۋردليمپيادا چەمپيوندارى مەن جٷلدەگەرلەرٸنە 10 جىل مەرزٸمگە جالعا باسپانا بەرۋ, سونداي-اق دوپينگ-تەستٸلەردٸ ساقتاۋ مەرزٸمٸ 10 جىل بولۋىنا بايلانىستى وسى مەرزٸمگە اتالعان تۇرعىن ٷيدٸ يەلٸكتەن شىعارۋعا تىيىم سالۋ كٶزدەلگەن. ەگەر وسى كەزەڭدە سىنامادا دوپينگ انىقتالماسا, تۇرعىن ٷي سپورتشىنىڭ مەنشٸگٸنە بەرٸلەدٸ.
