Foto: Jánibek Álimhanulynyń instagram paraqshasynan
AQSh sport sholýshysy Býg Ýiliams doping daýynyń saldary qazaqstandyq boksshy Jánibek Álimhanuly úshin óte aýyr bolýy múmkin ekenin jazdy, dep habarlaidy Ult.kz.
Jaqynda boksshynyń doping synamasynan tyiym salynǵan meldonii tabylyp, Erislandi Laramen úsh belbeý úshin josparlanǵan jekpe-jek toqtatylǵan edi. Eger “V” synamasy da oń nátije kórsetse, Jánibek IBF jáne WBO titýldarynan aiyrylýy múmkin.
Ýiliams áleýmettik jelidegi jazbasynda Top Rank kompaniiasynyń boksshyǵa senimi azaiǵanyn atap ótti. Onyń aitýynsha, eger Jánibek belbeýlerinen aiyrylsa, boks naryǵynda suranysqa ie bolý odan saiyn qiyndaidy.
Sarapshynyń pikirinshe, chempiondyq ataqtardan airylý qazaqstandyq sportshynyń mansabyna úlken soqqy bolmaq, sebebi belbeýler boksshynyń bedeline tikelei áser etedi.
"Bul – Top Rank-tyń Jánibekke degen qazirgi kózqarasyn dál beineleidi. Ol onsyz da naryqta asa suranysqa ie emes edi. Oǵan qarsylas tabý Top Rank úshin qiyn bolatyn. Eger belbeýlerinen aiyrylsa, ol kópshilik úshin jai ǵana "Qazaqstannan shyqqan kezdeisoq boksshy" bolyp qalady", – dep jazdy sarapshy.
