فوتو: جەنٸبەك ەلٸمحانۇلىنىڭ ينستاگرام پاراقشاسىنان
اقش سپورت شولۋشىسى بۋگ ۋيليامس دوپينگ داۋىنىڭ سالدارى قازاقستاندىق بوكسشى جەنٸبەك ەلٸمحانۇلى ٷشٸن ٶتە اۋىر بولۋى مٷمكٸن ەكەنٸن جازدى, دەپ حابارلايدى Ult.kz.
جاقىندا بوكسشىنىڭ دوپينگ سىناماسىنان تىيىم سالىنعان مەلدونيي تابىلىپ, ەريسلاندي لارامەن ٷش بەلبەۋ ٷشٸن جوسپارلانعان جەكپە-جەك توقتاتىلعان ەدٸ. ەگەر “ۆ” سىناماسى دا وڭ نەتيجە كٶرسەتسە, جەنٸبەك IBF جەنە WBO تيتۋلدارىنان ايىرىلۋى مٷمكٸن.
ۋيليامس ەلەۋمەتتٸك جەلٸدەگٸ جازباسىندا Top Rank كومپانيياسىنىڭ بوكسشىعا سەنٸمٸ ازايعانىن اتاپ ٶتتٸ. ونىڭ ايتۋىنشا, ەگەر جەنٸبەك بەلبەۋلەرٸنەن ايىرىلسا, بوكس نارىعىندا سۇرانىسقا يە بولۋ ودان سايىن قيىندايدى.
ساراپشىنىڭ پٸكٸرٸنشە, چەمپيوندىق اتاقتاردان ايرىلۋ قازاقستاندىق سپورتشىنىڭ مانسابىنا ٷلكەن سوققى بولماق, سەبەبٸ بەلبەۋلەر بوكسشىنىڭ بەدەلٸنە تٸكەلەي ەسەر ەتەدٸ.
"بۇل – Top Rank-تىڭ جەنٸبەككە دەگەن قازٸرگٸ كٶزقاراسىن دەل بەينەلەيدٸ. ول ونسىز دا نارىقتا اسا سۇرانىسقا يە ەمەس ەدٸ. وعان قارسىلاس تابۋ Top Rank ٷشٸن قيىن بولاتىن. ەگەر بەلبەۋلەرٸنەن ايىرىلسا, ول كٶپشٸلٸك ٷشٸن جاي عانا "قازاقستاننان شىققان كەزدەيسوق بوكسشى" بولىپ قالادى", – دەپ جازدى ساراپشى.
