Ónerkásip salasyna jaýapty ministr indýstriialandyrýdyń barlyq máselesimen muqiiat ainalysýy tiis. Bul týraly Úkimettiń keńetilgen otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Ónerkásip saiasatynda negizinen avtokólik jasaý salasyna basymdyq berilgen. Biraq otandyq ónim úlesi áli de tómen. Ashylyp jatqan jumys oryndary da az. Ónerkásip salasyna jaýapty ministr indýstriialandyrýdyń barlyq máselesimen muqiiat ainalysýy tiis. Ásirese damý múmkindigi joǵary salalarǵa basa mán berýdi tapsyramyn», - dedi Memleket basshysy.
QR Prezidenti áleýmettik jelide qazaqstandyq avtomobilderdiń basym bóligi elimizge daiyn kúide jetkiziletindigi týraly aqparattyń jii talqylanatyndyǵyna nazar aýdartty.
«Tek dóńgelegin salý ǵana qalady dep jatady. Bul rette ásireleý úlesi basym baiqalady. Mundai ásireleýdiń maqsaty da túsinikti. Qalai degende de mundai paiymnyń qanshalyqty shyndyqqa sai keletindigin anyqtaý qajet. Sodan keiin shara qabyldaý kerek», - dedi Qasym-Jomart Toqaev.
