Túrkistan oblysynyń týmasy Ábrorjon Tursynov áleýmettik jelidegi Threads paraqshasynda ózin áskerde komandiri zorlady degen jalǵan málimdeme jariialaǵan. Jazba qoǵamda úlken rezonans týǵyzyp, oǵan janashyrlyq tanytqan azamattar emdelýge qarjylai kómek te jibergen, dep habarlaidy Ult.kz.
Alaida keiin Astana qalasynyń politsiia qyzmetkerleri jazba avtoryn anyqtady. Tergeý barysynda ol jariialaǵan oqiǵanyń shyndyqqa janaspaitynyn moiyndap, munyń barlyǵyn qarjylai kómek jinaý maqsatynda oidan shyǵarǵanyn aitqan.
Sottyń málimetinshe, er adam alaiaqtyq jasap, kórineý jalǵan aqparat taratqany úshin kináli dep tanylyp, úsh jylǵa bas bostandyǵynan aiyryldy.
Oqiǵa áleýmettik jelide qyzý talqylanyp, kópshilik jalǵan aqparat taratý men halyqtyń senimin paidalanyp aqsha jinaýdyń zań aldynda jaýapkershilikke ákeletinin atap ótti.
