AQSh Memlekettik hatshysynyń Ońtústik jáne Ortalyq Aziia isteri jónindegi kómekshisiniń birinshi orynbasary Elis Ýells Qazaqstan Táýelsizdigi kúnine orai AQSh prezidenti Donald Tramptyń joldaǵan quttyqtaýyn jetkizdi, dep habarlaidy QazAqparat.
«Qazaqstan Prezidenti Nursultan Nazarbaevtyń AQSh-qa resmi sapary kezinde eki eldiń basshylary qol jetkizgen ýaǵdalastyqtardy iske asyrý kezinde jetken shynaiy oń progress úshin qazaqstandyq tarapqa alǵysymdy bildiremin», - dedi Elis Ýells búgin Astanada Qazaqstan-Amerika keńeitilgen strategiialyq seriktestik jónindegi komissiianyń kezektegi otyrysyna arnalǵan brifingte.
Elis Ýells atap ótkendei, taraptar otyrys kezinde Qazaqstannyń BUU Qaýipsizdik Keńesindegi ekijyldyq músheligin, sondai-aq múshelik aiasynda Qazaqstannyń júrgizgen saiasatyn talqylady.
«Sondai-aq, sizder aldaǵy kúnderi atap ótetin Táýelsizdik kúnine orai Tramp myrzanyń quttyqtaýyn jetkizgim keledi. Sizderge múmkin bolǵan barlyq qoldaýdy kórsetýge daiynbyz», - dedi ol.
