اقش مەملەكەتتٸك حاتشىسىنىڭ وڭتٷستٸك جەنە ورتالىق ازييا ٸستەرٸ جٶنٸندەگٸ كٶمەكشٸسٸنٸڭ بٸرٸنشٸ ورىنباسارى ەليس ۋەللس قازاقستان تەۋەلسٸزدٸگٸ كٷنٸنە وراي اقش پرەزيدەنتٸ دونالد ترامپتىڭ جولداعان قۇتتىقتاۋىن جەتكٸزدٸ, دەپ حابارلايدى قازاقپارات.
«قازاقستان پرەزيدەنتٸ نۇرسۇلتان نازارباەۆتىڭ اقش-قا رەسمي ساپارى كەزٸندە ەكٸ ەلدٸڭ باسشىلارى قول جەتكٸزگەن ۋاعدالاستىقتاردى ٸسكە اسىرۋ كەزٸندە جەتكەن شىنايى وڭ پروگرەسس ٷشٸن قازاقستاندىق تاراپقا العىسىمدى بٸلدٸرەمٸن», - دەدٸ ەليس ۋەللس بٷگٸن استانادا قازاقستان-امەريكا كەڭەيتٸلگەن ستراتەگييالىق سەرٸكتەستٸك جٶنٸندەگٸ كوميسسييانىڭ كەزەكتەگٸ وتىرىسىنا ارنالعان بريفينگتە.
ەليس ۋەللس اتاپ ٶتكەندەي, تاراپتار وتىرىس كەزٸندە قازاقستاننىڭ بۇۇ قاۋٸپسٸزدٸك كەڭەسٸندەگٸ ەكٸجىلدىق مٷشەلٸگٸن, سونداي-اق مٷشەلٸك اياسىندا قازاقستاننىڭ جٷرگٸزگەن ساياساتىن تالقىلادى.
«سونداي-اق, سٸزدەر الداعى كٷندەرٸ اتاپ ٶتەتٸن تەۋەلسٸزدٸك كٷنٸنە وراي ترامپ مىرزانىڭ قۇتتىقتاۋىن جەتكٸزگٸم كەلەدٸ. سٸزدەرگە مٷمكٸن بولعان بارلىق قولداۋدى كٶرسەتۋگە دايىنبىز», - دەدٸ ول.
