AQSh prezidenti bolyp sailanǵan Donald Tramp amerikalyq The Wall Street Journal basylymyna bergen suhbatynda AQSh prezidenti qyzmetiniń birinshi aptasynda qandai jumystarmen ainalysatynyn aityp berdi, - dep jazady RIA Novosti.
Birinshi kezekte Tramp densaýlyq saqtaý, jumys oryndaryn kóbeitý, salyq reformasyndaǵy jáne shekaradaǵy qaýipsizdik máselelerin sheshýmen ainalysatynyn málimdedi.
Sonymen qatar, jańa qyzmetiniń birinshi aptasynda Tramp qarjy institýttaryn qaita retteýdi jáne AQSh shekarasynda esirtki saýdasy men elge zańsyz kirgen immigrantarmen kúresetinin aitty.
"Donald Tramp infraqurylymdyq jobalardyń kómegimen jańa jumys oryndaryn ashyp, halyqaralyq saýda-sattyqty jetildiretinin aitty", - delingen maqalada.
Sonymen qatar, Donald Tramp CBS telekompaniiasyna bergen suhbatynda kúnderdiń bir kúninde Bill Klintonnan keńes suraýǵa júginýi múmkin ekenin de aitty.
Tramp Barak Obamanyń densaýlyq saqtaý reformasyna degen óziniń pikirin aityp ótti. Onyń aitýynsha, Obamamen bolǵan áńgimeden keiin ol densaýlyq saqtaý reformasyndaǵy keibir zańnamalardy sol kúiinde qaldyrýy múmkin.
Sondai-aq, Tramptyń jaqynda Resei prezidenti Vladimir Pýtinmen telefon arqyly sóilespek bolyp otyrǵany belgili boldy. Donald Tramp óziniń málimdelerinde Resei men AQSh elderiniń arasynda jaqsy qarym-qatynastyń bolǵany durys ekenin birneshe ret aitqan bolatyn. AQSh prezidenti bolyp sailanǵan Donald Tramp Pýtinmen jaqsy qarym-qatynas ornatamyn dep senetinin aitqan edi.
Al Siriiadaǵy bassyzdyqtarǵa keletin bolsaq, Donald Tramp bul uiymmen mindetti túrde kúresý kerektigin aitty.
"Meniń Siriiadaǵy jaǵdaiǵa qatysty basqalardan ózgeshe oi-pikirim bar", - dedi Tramp Wall Street journal basylymyna bergen suhbatynda.
Eske sala keteiik, 9 qarashada Donald Tramp AQSh prezidenti bolyp cailanǵan edi. Aldyn ala málimet boiynsha, Tramp sailaýshylardyń 279 daýysyn jinasa, Klinton sailaýshylardyń 218 daýysyn jinaǵan. Al keiinirek Tramp álem jurtshylyǵyna sóz arnady. Condai-aq, AQSh-ta Trampqa qarsy narazylyqtardyń tártipsizdikke ulasqany habarlanǵan edi.
