Qazaqstanda dollarlaný deńgeii 2020 jylǵy jeltoqsannyń sońynda 37,3%-ǵa qysqardy, dep habarlaidy QazAqparat
QR Ulttyq bankiniń habarlaýynsha, rezidentterdiń depozittik uiymdardaǵy depozitteriniń kólemi bir aida 0,7%-ǵa ulǵaiyp, 2020 jyly jeltoqsannyń sońynda 22 089,7 mlrd teńge boldy. Zańdy tulǵalardyń depozitteri bir aida 11 297,7 mlrd teńgege deiin, iaǵni 2,0%-ǵa tómendedi, jeke tulǵalardyń depozitteri 10 792,1 mlrd teńgege deiin 3,6%-ǵa ósti.
Bir aida ulttyq valiýtadaǵy depozitter kólemi 13 855,7 mlrd teńgege deiin 4,0%-ǵa ulǵaidy. Al shetel valiýtasyndaǵy depozitter kólemi 8 234,0 mlrd teńgege deiin 4,5%-ǵa tómendedi. Dollarlandyrý deńgeii 2020 jylǵy jeltoqsannyń sońynda 37,3% (2019 jylǵy jeltoqsanda – 43,1%) boldy.
Zańdy tulǵalardyń ulttyq valiýtadaǵy depozitteri 2020 jylǵy jeltoqsanda 7 205,0 mlrd teńgege deiin 1,3%-ǵa ulǵaidy, shetel valiýtasyndaǵy depozitteri 4 092,7 mlrd teńgege deiin 7,2%-ǵa azaidy (zańdy tulǵalar depozitterinen 36,2%).
Jeke tulǵalardyń teńgedegi depozitteri 6 650,7 mlrd teńgege deiin 7,1%-ǵa ulǵaidy, shetel valiýtasyndaǵy depozitteri 4 141,4 mlrd teńgege deiin 1,5%-ǵa qysqardy (jeke tulǵalar depozitterinen 38,4%).
Merzimdi depozitterdiń kólemi bir aida 3,7%-ǵa ulǵaiyp, 15 279,6 mlrd teńge boldy. Olardyń qurylymynda ulttyq valiýtadaǵy salymdar 9 496,8 mlrd teńgeni, shetel valiýtasyndaǵy salymdar – 5 782,9 mlrd teńgeni qurady.
Banktik emes zańdy tulǵalardyń ulttyq valiýtadaǵy merzimdi depozitteri boiynsha ortasha alynǵan syiaqy mólsherlemesi 7,3% (2019 jylǵy jeltoqsanda – 7,4%), jeke tulǵalardyń depozitteri boiynsha – 9,2% (9,0%) boldy.
