قازاقستاندا دوللارلانۋ دەڭگەيٸ 2020 جىلعى جەلتوقساننىڭ سوڭىندا 37,3%-عا قىسقاردى, دەپ حابارلايدى قازاقپارات
قر ۇلتتىق بانكٸنٸڭ حابارلاۋىنشا, رەزيدەنتتەردٸڭ دەپوزيتتٸك ۇيىمدارداعى دەپوزيتتەرٸنٸڭ كٶلەمٸ بٸر ايدا 0,7%-عا ۇلعايىپ, 2020 جىلى جەلتوقساننىڭ سوڭىندا 22 089,7 ملرد تەڭگە بولدى. زاڭدى تۇلعالاردىڭ دەپوزيتتەرٸ بٸر ايدا 11 297,7 ملرد تەڭگەگە دەيٸن, ياعني 2,0%-عا تٶمەندەدٸ, جەكە تۇلعالاردىڭ دەپوزيتتەرٸ 10 792,1 ملرد تەڭگەگە دەيٸن 3,6%-عا ٶستٸ.
بٸر ايدا ۇلتتىق ۆاليۋتاداعى دەپوزيتتەر كٶلەمٸ 13 855,7 ملرد تەڭگەگە دەيٸن 4,0%-عا ۇلعايدى. ال شەتەل ۆاليۋتاسىنداعى دەپوزيتتەر كٶلەمٸ 8 234,0 ملرد تەڭگەگە دەيٸن 4,5%-عا تٶمەندەدٸ. دوللارلاندىرۋ دەڭگەيٸ 2020 جىلعى جەلتوقساننىڭ سوڭىندا 37,3% (2019 جىلعى جەلتوقساندا – 43,1%) بولدى.
زاڭدى تۇلعالاردىڭ ۇلتتىق ۆاليۋتاداعى دەپوزيتتەرٸ 2020 جىلعى جەلتوقساندا 7 205,0 ملرد تەڭگەگە دەيٸن 1,3%-عا ۇلعايدى, شەتەل ۆاليۋتاسىنداعى دەپوزيتتەرٸ 4 092,7 ملرد تەڭگەگە دەيٸن 7,2%-عا ازايدى (زاڭدى تۇلعالار دەپوزيتتەرٸنەن 36,2%).
جەكە تۇلعالاردىڭ تەڭگەدەگٸ دەپوزيتتەرٸ 6 650,7 ملرد تەڭگەگە دەيٸن 7,1%-عا ۇلعايدى, شەتەل ۆاليۋتاسىنداعى دەپوزيتتەرٸ 4 141,4 ملرد تەڭگەگە دەيٸن 1,5%-عا قىسقاردى (جەكە تۇلعالار دەپوزيتتەرٸنەن 38,4%).
مەرزٸمدٸ دەپوزيتتەردٸڭ كٶلەمٸ بٸر ايدا 3,7%-عا ۇلعايىپ, 15 279,6 ملرد تەڭگە بولدى. ولاردىڭ قۇرىلىمىندا ۇلتتىق ۆاليۋتاداعى سالىمدار 9 496,8 ملرد تەڭگەنٸ, شەتەل ۆاليۋتاسىنداعى سالىمدار – 5 782,9 ملرد تەڭگەنٸ قۇرادى.
بانكتٸك ەمەس زاڭدى تۇلعالاردىڭ ۇلتتىق ۆاليۋتاداعى مەرزٸمدٸ دەپوزيتتەرٸ بويىنشا ورتاشا الىنعان سىياقى مٶلشەرلەمەسٸ 7,3% (2019 جىلعى جەلتوقساندا – 7,4%), جەكە تۇلعالاردىڭ دەپوزيتتەرٸ بويىنشا – 9,2% (9,0%) بولدى.
