Dollardyń qymbattaýynan qazaqstandyqtardyń jalaqysy óse me degen suraqqa eńbek jáne halyqty áleýmettik qorǵaý ministri Serik Shápkenov jaýap berdi, - dep habarlaidy Tengrinews.kz tilshisi alau.kz portalyna silteme jasap.
Serik Shápkenovtyń aitýynsha, ministrlik bul baǵytta jumystardy jalǵastyryp jatyr.
"Qazir Ulttyq ekonomika ministrligindegi áriptesterimizben ekonomika qandai stsenarii boiynsha órbitinin pysyqtap jatyrmyz. Sheshimdi kúteiik", - dedi ministr Májilis otyrysynan keiin.
Serik Shápkenov Memleket basshysy buǵan deiin de jalaqyny kóterý máselesi boiynsha tapsyrmalar bergenin eske saldy. Onyń aiýynsha, ministrlik barlyq jergilikti atqarýshy organ, barlyq kásiporynmen jumys jasap jatyr.
"Biz kimniń jalaqysy medianadan (ortasha kórsetkish - avt.esk.) tómen ekenin taldaimyz. Ortasha jalaqy - 157 myń teńge. Jumys berýshilermen óz qyzmetkerleriniń jalaqysyn kóterý boiynsha jumys istep jatyrmyz. Olar qyzmetkerleriniń umtylysyn túsinip, qoldaý kórsetýi kerek", - dedi Serik Shápkenov.
Sondai-aq, Shápkenov halyqqa tólenetin áleýmettik tólemder týraly da aitty.
"Biylǵa 5 paiyz mólsherinde indeksteý júrgizdik. Tek dollarǵa bola bárin qaita qaraý múmkin emes. Bári oǵan bailanysty emes", - dedi ol.
