Biyldan bastap doktoranttar PhD dárejesin dissertatsiia jazbai-aq qorǵai alady. Ol úshin tanymal ǵylymi jýrnaldarǵa sapaly maqala jazýy tiis, dep habarlaidy "Ult aqparat"
Bilim jáne ǵylym ministrliginiń apparat májilisinde Bilim jáne ǵylym salasyndaǵy baqylaý komitetiniń tóraiymy Gúlzat Kóbenova osyndai jańashyldyqty málim etti.
«2020 jyldyń mamyr aiynan beri doktoranttan talap etiletin ǵylymi maqalalar sany 7-den 4-ke qysqartylǵan bolatyn. Endi ǵylymi maqalasy asa joǵary bibliometrikalyq kórsetkishterge ie bolsa, doktorant 1-2 maqalany negizge alyp-aq, qorǵaýǵa shyǵa alady. Biyl jańa buiryq kúshine engennen bastap, doktorant dissertatsiia qorǵaýdyń formasyn ózi tańdai alady. Burynǵydai dissertatsiialyq eńbek jazyp qorǵaýyna bolady nemese úzdik jazylǵan maqalasyn dissertatsiialyq eńbek retinde paidalana alady. Biraq mundai maqalanyń bolýy doktorantty ǵylymi dárejeni qorǵaýdan bosatpaidy», - dedi Gúlzat Kóbenova.
Onyń sózinshe, komitet ǵylymi eńbekter jaiialaýǵa haqyly basylymdardyń jańa tizbesin qalyptastyryp jatyr. Byltyr tizimde 177 jýrnal bolsa, biyl 40 basylym tirkelipti. Taǵy 15 basylym qaralyp jatyr. Al 16 jýrnal boiynsha usynym haty keri qaitarylǵan. Onyń sebebin komitet basshysy jýrnaldardyń tehnikalyq talaptarǵa sai kelmeýinen, ǵylymi eńbekti onlain jariialaýdyń múmkindigi joqtyǵynan jáne ǵylymi eńbek jaiialaý ádebin saqtamaýdan dep túsindirdi.
