Búgingi tańda Google júiesin meditsina sarapshysy ispetti kóretinder qatary artty. Ásirese rak diagnozy qoiylǵan adamdar «doktor» Gýglǵa júginetin boldy. Degenmen, ol neniń durys ekenin bilmeidi.
The New York Times basylymynda jariialanǵan maqalada avtor buryn emdelýshiler dárigerlerge táýeldi bolǵanyn, olardan keńes alyp júrgenin, al qazir internettiń keń taraýymen bul úrdistiń azaiǵanyn jazady.
«Stenford ýniversiteti Meditsina ortalyǵynyń onkology, doktor Lidiia Shapiranyń aitýynsha, adamdar kóbine dezinformatsiiaǵa (jalǵan aqparatqa) toly saittarǵa urynady. Ol óz tájiribesinde tipti Internetten oqyǵan preparattarmen óz betinshe em bastap ketkenderdi de jii kezdestiripti. Tipti, keibir belgiler paida bola bastasa da, internetten qarap ózderine diagnoz qoiatyndar sanynyń artýy alańdaýshylyq týǵyzatyn jaǵdaiǵa jetken jáne oǵan óte kóptegen mysaldar keltirýge bolady», - dep jazady avtor.
«Veb-saittar dárigerdi almastyra almaidy. Uzaq jyl bilim alyp, tájiribe jinaǵan mamannyń ǵana kómegi sapaly bolady. Bul Internetke qaraǵanda áldeqaida jaqsy», delingen maqalada.
