بٷگٸنگٸ تاڭدا Google جٷيەسٸن مەديتسينا ساراپشىسى ٸسپەتتٸ كٶرەتٸندەر قاتارى ارتتى. ەسٸرەسە راك دياگنوزى قويىلعان ادامدار «دوكتور» گۋگلعا جٷگٸنەتٸن بولدى. دەگەنمەن, ول نەنٸڭ دۇرىس ەكەنٸن بٸلمەيدٸ.
The New York Times باسىلىمىندا جارييالانعان ماقالادا اۆتور بۇرىن ەمدەلۋشٸلەر دەرٸگەرلەرگە تەۋەلدٸ بولعانىن, ولاردان كەڭەس الىپ جٷرگەنٸن, ال قازٸر ينتەرنەتتٸڭ كەڭ تاراۋىمەن بۇل ٷردٸستٸڭ ازايعانىن جازادى.
«ستەنفورد ۋنيۆەرسيتەتٸ مەديتسينا ورتالىعىنىڭ ونكولوگى, دوكتور ليدييا شاپيرانىڭ ايتۋىنشا, ادامدار كٶبٸنە دەزينفورماتسيياعا (جالعان اقپاراتقا) تولى سايتتارعا ۇرىنادى. ول ٶز تەجٸريبەسٸندە تٸپتٸ ينتەرنەتتەن وقىعان پرەپاراتتارمەن ٶز بەتٸنشە ەم باستاپ كەتكەندەردٸ دە جيٸ كەزدەستٸرٸپتٸ. تٸپتٸ, كەيبٸر بەلگٸلەر پايدا بولا باستاسا دا, ينتەرنەتتەن قاراپ ٶزدەرٸنە دياگنوز قوياتىندار سانىنىڭ ارتۋى الاڭداۋشىلىق تۋعىزاتىن جاعدايعا جەتكەن جەنە وعان ٶتە كٶپتەگەن مىسالدار كەلتٸرۋگە بولادى», - دەپ جازادى اۆتور.
«ۆەب-سايتتار دەرٸگەردٸ الماستىرا المايدى. ۇزاق جىل بٸلٸم الىپ, تەجٸريبە جيناعان ماماننىڭ عانا كٶمەگٸ ساپالى بولادى. بۇل ينتەرنەتكە قاراعاندا ەلدەقايدا جاقسى», دەلٸنگەن ماقالادا.
