6 shilde kúni Ýkrainanyń Dnepr qalasynda Qazaqstan Respýblikasynyń Dnepropetrovsk oblysyndaǵy Qurmetti konsýldyǵynyń saltanatty ashylý rásimi ótti, dep habarlaidy "Ult aqparat" Ýkrainadaǵy Qazaqstan Elshiliginiń Telegram paraqshasyna silteme jasap.
Ýkrainanyń Syrtqy ister ministriniń orynbasary Evgenii Enin Ýkrainanyń eń iri óndiristik óńiri – Dnepropetrovsk oblysyndaǵy Qazaqstannyń qurmetti konsýldyǵynyń ashylýy mańyzdy ekenin aitty. Dnepropetrovsk oblysy Qazaqstan Respýblikasymen burynnan dástúrli jaqyn qarym-qatynasta.
Qazaqstan Respýblikasynyń elshisi Darhan Káletaev Ýkrainadaǵy Qazaqstannyń qurmetti konsýldary institýtynyń jumysyn joǵary baǵalady. Institýt pandemiia kezinde qiyn jaǵdaiǵa dýshar bolǵan Qazaqstan azamattaryna barynsha kómek kórsetken.
Ol qurmetti konsýldyqtyń Qazaqstan Respýblikasynyń Tuńǵysh Prezidenti – Elbasynyń týǵan kúninde ashylǵanynyń máni bar ekenin aitty.
«Ol úshin Ýkraina jeri men Dnepropetrovsk oblysy – bóten jer emes. Dál osy jerde bolashaq Qazaqstan Kóshbasshysynyń eńbek joly bastalǵan», - dedi qazaqstandyq diplomat.
