6 شٸلدە كٷنٸ ۋكراينانىڭ دنەپر قالاسىندا قازاقستان رەسپۋبليكاسىنىڭ دنەپروپەتروۆسك وبلىسىنداعى قۇرمەتتٸ كونسۋلدىعىنىڭ سالتاناتتى اشىلۋ رەسٸمٸ ٶتتٸ, دەپ حابارلايدى "ۇلت اقپارات" ۋكرايناداعى قازاقستان ەلشٸلٸگٸنٸڭ Telegram پاراقشاسىنا سٸلتەمە جاساپ.
ۋكراينانىڭ سىرتقى ٸستەر مينيسترٸنٸڭ ورىنباسارى ەۆگەنيي ەنين ۋكراينانىڭ ەڭ ٸرٸ ٶندٸرٸستٸك ٶڭٸرٸ – دنەپروپەتروۆسك وبلىسىنداعى قازاقستاننىڭ قۇرمەتتٸ كونسۋلدىعىنىڭ اشىلۋى ماڭىزدى ەكەنٸن ايتتى. دنەپروپەتروۆسك وبلىسى قازاقستان رەسپۋبليكاسىمەن بۇرىننان دەستٷرلٸ جاقىن قارىم-قاتىناستا.
قازاقستان رەسپۋبليكاسىنىڭ ەلشٸسٸ دارحان كەلەتاەۆ ۋكرايناداعى قازاقستاننىڭ قۇرمەتتٸ كونسۋلدارى ينستيتۋتىنىڭ جۇمىسىن جوعارى باعالادى. ينستيتۋت پاندەمييا كەزٸندە قيىن جاعدايعا دۋشار بولعان قازاقستان ازاماتتارىنا بارىنشا كٶمەك كٶرسەتكەن.
ول قۇرمەتتٸ كونسۋلدىقتىڭ قازاقستان رەسپۋبليكاسىنىڭ تۇڭعىش پرەزيدەنتٸ – ەلباسىنىڭ تۋعان كٷنٸندە اشىلعانىنىڭ مەنٸ بار ەكەنٸن ايتتى.
«ول ٷشٸن ۋكراينا جەرٸ مەن دنەپروپەتروۆسك وبلىسى – بٶتەن جەر ەمەس. دەل وسى جەردە بولاشاق قازاقستان كٶشباسشىسىنىڭ ەڭبەك جولى باستالعان», - دەدٸ قازاقستاندىق ديپلومات.
