Sýǵa júzýden Rio jazǵy Olimpiadasynyń chempiony Dmitrii Balandin Aziada-2018 oiyndarynyń taǵy bir qola medaline qol jetkizdi, dep habarlaidy QazAqparat tilshisi.
Dmitrii Balandin kezekti júldesine 50 metrlik qashyqtyqqa brass ədisimen júzý saiysynda ie boldy. Atalmysh qashyqtyqta birinshi jəne ekinshi oryndy japon jəne qytai sportshylary ielendi.
Eske sala ketsek, búgin velosporttan jekelei synda qazaqstandyq Aleksei Lýtsenko jeńimpaz atanyp, úshinshi altyndy el qorjynyna salǵan bolatyn. Nátijesinde Qazaqstan quramasy Aziia oiyndaryndaǵy jalpy esepte Mońǵoliiany artqa syrǵytyp, 12-shi orynnan 11-shy orynǵa kóterildi. Dál qazirgi esep boiynsha Qazaqstan enshisinde 3 altyn, 7 kúmis, 22 qola medal bar.
Aita keterligi, buǵan deiin Aziada oiyndarynda Dmitrii Balandin 100 metrge brass ádisimen júzýde Aziia oiyndarynyń qola júldegeri atanǵan bolatyn.
