سۋعا جٷزۋدەن ريو جازعى وليمپياداسىنىڭ چەمپيونى دميتريي بالاندين ازيادا-2018 ويىندارىنىڭ تاعى بٸر قولا مەدالٸنە قول جەتكٸزدٸ, دەپ حابارلايدى قازاقپارات تٸلشٸسٸ.
دميتريي بالاندين كەزەكتٸ جٷلدەسٸنە 50 مەترلٸك قاشىقتىققا براسس əدٸسٸمەن جٷزۋ سايىسىندا يە بولدى. اتالمىش قاشىقتىقتا بٸرٸنشٸ جəنە ەكٸنشٸ ورىندى جاپون جəنە قىتاي سپورتشىلارى يەلەندٸ.
ەسكە سالا كەتسەك, بٷگٸن ۆەلوسپورتتان جەكەلەي سىندا قازاقستاندىق الەكسەي لۋتسەنكو جەڭٸمپاز اتانىپ, ٷشٸنشٸ التىندى ەل قورجىنىنا سالعان بولاتىن. نەتيجەسٸندە قازاقستان قۇراماسى ازييا ويىندارىنداعى جالپى ەسەپتە موڭعولييانى ارتقا سىرعىتىپ, 12-شٸ ورىننان 11-شى ورىنعا كٶتەرٸلدٸ. دەل قازٸرگٸ ەسەپ بويىنشا قازاقستان ەنشٸسٸندە 3 التىن, 7 كٷمٸس, 22 قولا مەدال بار.
ايتا كەتەرلٸگٸ, بۇعان دەيٸن ازيادا ويىندارىندا دميتريي بالاندين 100 مەترگە براسس ەدٸسٸمەن جٷزۋدە ازييا ويىندارىنىڭ قولا جٷلدەگەرٸ اتانعان بولاتىن.
