Kún saiyn suiytylǵan munai gazynyń ótkizý baǵalaryna monitoring júrgiziledi. Bul týraly Úkimet otyrysynda Básekelestikti qorǵaý jáne damytý agenttiginiń tóraǵasy Serik Jumanǵarin aitty, dep habarlaidy QazAqparat.
«Dizel otyny naryǵynda bólshek saýda sýbektilerine qatysty 12 tergeý júrgizilýde (onyń ishinde 4 iri kompaniia – «Gelios» JShS, «Sinooil» JShS, «Gazpromneft-Qazaqstan» JShS, «PetroRetail» JShS)
Memleket basshysynyń 2022 jylǵy 5 qańtardaǵy «Áleýmettik-ekonomikalyq jaǵdaidy turaqtandyrý jónindegi sharalar týraly» tapsyrmasyna sáikes, 180 kúnge ýaqytsha negizde shekti baǵalar belgilendi. Energetika ministrligi munai ónimderin bólshek saýdada ótkizýge, Agenttik suiytylǵan munai gazyna (avtogazǵa) ákimshilik birlikterdiń qashyqtyǵyn eskere otyryp: batysta – 50 teńge, ońtústikte - 60 teńge, soltústik-shyǵysta - 60-70 teńge ornatty. Agenttik kún saiyn suiytylǵan munai gazynyń ótkizý baǵalaryna monitoring júrgizedi, ýaqytsha shekti baǵadan asyp ketý faktileri anyqtalǵan jaǵdaida baǵany tómendetý qajettigi týraly nusqama jiberedi, oryndalmaǵan jaǵdaida Ákimshilik quqyq buzýshyq kodeksiniń 162-babyna sáikes ákimshilik jaza qoldanylady», - dedi S. Jumanǵarin.
Onyń aitýynsha, baǵa aýytqýlary men ekonomikadaǵy qolaisyz úrdister jaǵdaiynda Agenttik ýaqytsha shara retinde jekelegen taýar naryqtarynda memlekettik baǵa retteýdi belgileýge quqyly jáne daiyn.
«Energetika ministrligimen birlesip gaz óndirýshilermen eski jáne jańa kóterme baǵa arasyndaǵy aiyrmashylyqty bólshek gaz satýshylarǵa óteý týraly kelisimge qol jetkizildi», - dedi agenttik basshysy.
