Tanymal dizainer Nazym Qarpyqova ánshi Sadraddin Bolattyń sahnalyq obrazyna qatysty Maqpal Júnisovanyń synyna jaýap berdi, dep habarlaidy ult.kz.
Buǵan deiin Sadraddinniń erekshe sahnalyq kiimi áleýmettik jeli qoldanýshylary arasynda qyzý talqyǵa túsken. Óner iesiniń obrazyna Qazaqstannyń Halyq ártisi Maqpal Júnisova da pikir bildirip, kostiýmdi daiyndaǵan dizainerlerdiń jumysyn synǵa alǵan edi.
"Osy kostiýmdi tigip bergender ońbaidy, obal-ai", – dep jazǵan bolatyn ánshi.
Al kiim avtorlarynyń biri Nazym Qarpyqova bul pikirge sabyrmen qaraitynyn jetkizdi. Dizainer Maqpal Júnisovany burynnan jaqsy tanitynyn jáne onyń pikirin qurmetteitinin aitty.
"Maqpal apaidy jaqsy tanimyn, jaqsy kóremin. Ol kisige de talai kóilek tiktik, áli talai tigemiz. Ne aitsa da jarasady. Úlken kisilerdiń pikirin qabyl alamyn. Sol kostiýmdi alyp baryp, Maqpal apaiǵa kórsetip, “Oiyńyzdy ózgertińiz, nege olai jazdyńyz?” dep ázildep aitatyn shyǵarmyn", - dedi Nazym Qarpyqova.
Osylaisha dizainer óner iesiniń synyna renish bildirmei, kerisinshe ony qalypty qabyldaitynyn ańǵartty. Al Sadraddin Bolattyń sahnalyq kostiýmine qatysty pikirtalas áleýmettik jelide áli de jalǵasyp jatyr.
Aita keteiik, Dizainer Sadraddinniń daýly obrazyna qatysty pikir bildirdi.
Maqpal Júnisova kim?
Maqpal Júnisova - qazaq estradasynyń kórnekti ókili, Qazaqstannyń halyq ártisi, Qazaqstan Memlekettik syilyǵynyń laýreaty. Ol Qaraǵandy oblysynyń Egindibulaq aýdanynda dúniege kelgen. Óner jolyn “Gúlder” ansambliniń quramynda halyq ánderin oryndaýdan bastaǵan. Keiin “Qazaqkontsert” birlestigi janynan “Nazerke” ansamblin uiymdastyrǵan.
Ánshiniń repertýarynda qazaqtyń halyq ánderimen qatar, otandyq kompozitorlardyń lirikalyq týyndylary keń oryn alǵan. Ol “Jiger” festivaliniń, halyqaralyq “Aziia daýysy” baiqaýynyń laýreaty jáne “Tarlan” syilyǵynyń iegeri. 2026 jyly Maqpal Júnisova II dárejeli “Barys” ordenimen marapattaldy.
