Seisenbi, 13 qarashada Almatyda burynǵy Qazaqstan Kompartiiasy Ortalyq Komitetiniń birinshi hatshysy Dinmuhamed Qonaevtyń qaryndasy Sara Ahmetqyzy Qonaeva qaitys boldy.
Bul týraly otbasynyń dosy – Qazaqstannyń qurmetti ushqyshy Maqash Ábishev habarlady, dep jazady Sputnik Qazaqstan.
Sara Ahmetqyzymen qoshtasý 14 qarashada saǵat 11.00-de Pýshkin kóshesi, 50 meken-jaiynda ótedi.
Sara 91 jasqa qaraǵan shaǵynda qaitys boldy. 1944 jyly 17 jasynda Almaty qalasyndaǵy Ortalyq telegraftaǵy jedel hat jiberý bóliminde jumys istedi. 1946 jyly Almaty meditsina institýtyna túsip, 1953 jyly bitirdi.
1956 jyldan bastap Qazaq KSR Ministrler Keńesi emhanasynyń bakteriologiialyq zerthanasynda eńbek etti.
Dinmuhamed Ahmetuly Qonaev – belgili keńestik partiia jáne memleket qairatkeri. Eki ret Qazaq KSR Kommýnistik partiiasy Ortalyq Komitetiniń birinshi hatshysy (1960-1962, 1964-1986), KOKP Ortalyq Komiteti Saiasi biýrosynyń múshesi boldy. KSRO Joǵarǵy Keńesiniń depýtaty. Úsh márte Sotsialistik Eńbek Eri, júzden astam ǵylymi eńbektiń avtory. Qazaq KSR Ǵylym Akademiiasynyń akademigi.
Dinmuhamed Qonaev 1993 jyly tamyzda 81 jasynda dúnieden ozdy.
