Biyl Oraza aiy 6 mamyrda bastalady. Bul týraly Qazaqstan musylmandary dini basqarmasynyń baspasóz hatshysy Aǵabek Qonarbaiuly məlimdedi, dep habarlaidy "Ult aqparat".
«6 mamyr - Ramazan aiynyń birinshi kúni. Biyl 30 kún aýyz bekitemiz. Qasietti Qadir túni - 31 mamyrdan 1 maýsymǵa qaraǵan tún. Al 5 maýsym - oraza aittyń birinshi kúni. Ramazan aiynyń bastalýyn naqty anyqtaý shariǵi úkimder men astronomiialyq esepter negizinde júzege asady. Alǵashqy kezeńde musylmandar jańa týǵan aidy kózben kóretin», - dep jazdy A. Qonarbaiuly óziniń Feisbýk paraqshasynda.
Qazaqstan musylmandary dini basqarmasy elimizdegi irgeli zertteý ortalyqtarynyń biri sanalatyn V.G.Fesenkov atyndaǵy «Ulttyq ǵaryshtyq zertteýler men tehnologiialar ortalyǵy» mekemesinen jańa aidyń kórinýine qatysty resmi málimet suratqan.
QMDB shariǵi úkimdi negizge alyp, ǵylymi zertteý jumysynyń nətijesin eskerip, sonymen qatar, Ortalyq Aziia elderi múftiiatynyń shariǵat jəne pətýa bóliminiń ǵalymdarymen ortaq pətýa qabyldai otyryp, 6 mamyr - Ramazan aiynyń birinshi kúni degen sheshim shyǵardy.
