.jpg)
Kollaj: ult.kz
Qazaqstannyń balalar quqyǵy jónindegi ýákili Dinara Zákieva "jasóspirim qyzdarǵa hat jazdy" dep burynǵy áieli aiyptaǵan bloger Qolǵanat Jumabaevqa qatysty málimdeme jasady, - dep habarlaidy Ult.kz.
"Atalǵan jaǵdai boiynsha men jáne zańger keshe blogermen bailanysqa shyqtyq. Qalalyq prokýratýramen birge protsestik sheshim qabyldaý máselesi boiynsha jumys istep jatyrmyz. Ýákiletti organdarmen birlese otyryp, balalardyń quqyqtaryn qorǵaý úshin barlyq qajetti sharalardy qabyldaimyz", - dedi Dinara Zákieva.
Budan bólek balalar quqyǵy jónindegi ýákil ata-analarǵa balanyń kimmen aralasatynyn árdaiym baqylap, oǵan qaýip-qaterler, sonyń ishinde áleýmettik jelilerdegi qaýipter jaily aityp otyrý kerektigin eskertti.
"Sondai-aq 2023 jyldyń qyrkúieginde mektepterde engizilgen qaýipsizdik sabaqtary aiasynda qaralatyn taqyraptardy talqylaý mańyzdy. Balalardyń qaýipsizdigine qatysty kez kelgen kúmándi jaǵdailardy 102 nemese 111 nómirlerine habarlaý qajet", - dedi ol.
Dinara Zákievanyń aitýynsha ótken jyly on alty jasqa tolmaǵan azamattarǵa seksýaldy sipatta tiisý boiynsha 33 qylmystyq is tirkelgen.
"Eske sala keteiin, ótken jyly qabyldaǵan áielder quqyqtary men balardyń qaýipsizdigin qamtamasyz etý jónindegi zań aiasynda on alty jasqa tolmaǵan adamdarǵa seksýaldyq sipatta tiisý úshin jańa qylmystyq bap engizildi. Atalǵan bap boiynsha maýsym aiynan beri 33 qylmystyq is tirkeldi, bul osyndai áreketter úshin jazanyń bultartpastyǵyn qamtamasyz etýge jáne aýyr qylmystardyń aldyn alýǵa múmkindik beredi", - dedi Dinara Zákieva.
Eske sala keteiik TikTok jelisinde bir millionnan astam jazylýshysy bar bloger Qolǵanat Jumabaevqa qatysty onyń áieli Qulpynai Kalmenova kúieýi 10-12 jastaǵy qyzdarǵa mahabbat hattaryn jazyp, qushaqtasyp sýretke túskenin aitqan. Bul qoǵamda roezonans týdyrǵan.
Osydan keiin iske tanymal bloger, feminist Roza Áshirbaeva aralasyp, bul jaǵdaidyń kózden tasa qalmaýy keregin aitty. Ol QR bala quqyǵy jónindegi ýákili Dinara Zákievanyń áleýmettik jelidegi paraqshasyn belgilep, isti óz nazaryna alýdy surady.
Áleýmettik jelide shý shyqqannan keiin Qolǵanat Jumabaev qyzdardyń anasymen birge video túsirip, eshqandai alymsaqtyq bolmaǵanyn aitty. Analary qyzdarynyń jigitke «aǵa» dep qarap, syilaitynyn aityp, Qulpynai Kalmenovanyń ózine shúilikti.
