Foto: Instagram/dinarasatzhan
Dinara Sátjan Aqtóbede áleýmettik jeli arqyly aqyly túrde "bata berip", emshilikpen ainalysatyn áieldi sotqa berdi, dep habarlaidy Ult.kz.
Jýrnalistiń aitýynsha, ol atalǵan tulǵanyń ústinen quqyq qorǵaý organdaryna aryz túsirgen. Ispen onyń advokaty Rena Kerimova ainalysyp jatyr.
Sátjannyń málimdeýinshe, emshi ózi týraly jalǵan aqparat taratyp, áleýmettik jelide qorlaý sipatyndaǵy sózder aitqan. Ol mundai áreketter zań aiasynda jaýapkershilikke tartylýy tiis ekenin atap ótti.
Sonymen qatar jýrnalist Aqtóbe oblysynyń Ekonomikalyq tergep-tekserý departamentine resmi suraý joldap, emshiniń qyzmetiniń zańdylyǵyn tekserýdi talap etken.
Óz jazbasynda ol birqatar ótkir suraqtar qoiǵan: aqyly batadan túsken qarajat qaida túsedi, salyq tólene me, adam emdeýge litsenziiasy bar ma?
Sátjan sondai-aq "oqylǵan dári" retinde satylatyn BAD ónimderiniń zańdylyǵyna, em kezinde jelilik ónimderdi usynýdyń quqyqtyq negizine jáne áleýmettik jelilerdegi málimdemelerdiń zańǵa sáikestigine kúmán keltirdi.
Jýrnalistiń pikirinshe, atalǵan áreketter jan-jaqty tekserilip, zańǵa sáikes tiisti sheshim qabyldanýy tiis.
