Elimizde dini ahýal turaqty. Bul týraly Aqparat jáne qoǵamdyq damý ministrligi Din isteri komitetiniń tóraǵasy Erjan Núkejanov málim etti, dep habarlaidy "Ult aqparat".
«Qazirgi kezde elimizde dini ahýal turaqty dep senimmen aitýǵa bolady. Aqparat jáne qoǵamdyq damý ministrligi múddeli memlekettik organdarmen birlesip, osy salada júieli jumystar atqarýda», - dep toqtaldy komitet basshysy atalǵan ministrliktiń keńeitilgen alqa májilisinde.
Osy oraida ol profilaktikalyq is-sharalarǵa toqtaldy.
«Bizdiń taǵy bir mańyzdy jumys baǵytymyz - halyqtyń dini-radikaldy ideologiialarǵa qarsy immýnitetin nyǵaitý. Bul baǵyttaǵy jumystar qaita qarastyrylyp, bizde negizgi basymdyqtar belgilendi. Sandyq kórsetkishten sapalyq nátijege basty nazar aýdaryp otyrmyz. Buryn profilaktikalyq jumystar jalpylama júrgiziletin bolsa, qazir kóbine qurylys alańdarynda, vahtalyq tásilmen isteitin azamattardyń arasynda qolǵa aldyq. Sonymen qatar bazarlar qamtylǵan. Óitkeni dini-radikaldy ideologiianyń taralýy zertteý boiynsha sol jerlerde shoǵyrlanǵan. Bul jumysty basty nazarda ustap turmyz», - dedi komitet tóraǵasy.
Sonymen qatar ol tsifrlandyrý baǵytyndaǵy jumystardy atady.
«Tsifrlandyrý baǵytynda tiisti jumystar atqarylyp jatyr. Din salasynda 7 qyzmet kórsetemiz, ótken jyly biz altaýyn avtomattandyrdyq. Bul bir jaǵynan sybailas jemqorlyqqa qarsy, ekinshi jaǵynan tsifrlandyrýdy damytýǵa qatysty. Endi bir qyzmet qalyp tur, ony avtomattandyrýdy biyl aiaqtaimyz. Osy oraida bizdiń salada jalpy tsifrlandyrýdy 100 paiyzǵa jetkizbekpiz», - dedi E. Núkejanov.
