Mádeniet jáne sport ministri Arystanbek Muhamediuly QazAqparat tilshisine ánshi Dimash Qudaibergenniń Niý-Iorkte ótetin shoý-kontsertine qatysty málimetterimen bólisti, dep jazady QazAqparat.
«Niý-Iork qalasyndaǵy tanymal «Madison Square Garden» sport kesheninde eki zal bar. Onyń biri 5,5 myń oryndyq bolsa, ekinshisi 15 myń oryndyq. Biz 23 qazanǵa 5,5 myń oryndyq zalyn alyp qoiǵan edik. Biraq, qazir jan-jaqty taldai otyryp, 15 myń oryndyq alyp, ne bolsa da táýekelge baryp otyrmyz. Ol zaldy alar bolsaq, merzimdi naqtylaý kerek bolady. Kontserttiń qazan aiynda bolatyny anyq! Qai zaldy alatynymyz aiqyndalǵan ýaqytta bilet satylymy bastalady. Ol jerde endi bilet baǵasy joǵary bolady», - dedi ministr elordada ótken «Balýan Sholaq» filminiń tusaýkeserinde.
Eske sala ketsek, buǵan deiin osy jyldyń kúzinde Niý-Iorktegi áigili «Madison Square Garden» alańynda ánshi Dimash Qudaibergenniń shoý-kontserti ótetinin habarlaǵan bolatynbyz.
