Tanymal ánshi Dimash Qudaibergen nóserge qaramastan, sońyna deiin ónerin tamashalaǵan qytailyq jankúierlerge sheksiz alǵysyn bildirdi, dep habarlaidy Sputnik Qazaqstan tilshisi.
Qazaqstandyq talantty ánshi Qytaidyń Chendý qalasynda kontsert bergen. Alaida kontsert kezinde jańbyr jaýyp ketti. Soǵan qaramastan, qytailyq ánsúier qaýym Dimashtyń tamyljyta oryndaǵan ánderin sońyna deiin tyńdaǵan. Keiin ánshi jankúierleriniń bul áreketine tánti bolyp, Instagram jelisindegi jeke paraqshasynda olarǵa alǵysyn bildirdi.
"Keshegi kontsertimiz jańbyrdyń astynda ótse de, kóńildi ótken sekildi. 10 saǵat jańbyrdyń astynda meni kútip turǵan barlyq jankúierlerime úlken alǵys bildiremin. Rahmet, Chendý!", - dedi ol óz jazbasynda.
Dimash Qudaibergen Chendý qalasyndaǵy Mount Emei Music Festival mýzykalyq festivali kezinde án shyrqaǵan bolatyn.
Uiymdastyrýshylar Dimashqa qolshatyr usyndy. Alaida ol bas tartty.
"Maǵan qolshatyr kerek emes, men jankúierlerimmen birgemin", - dedi ol.
Aita ketsek, festivalde tanymal ánshi The Crown (Táj), Screaming (Aiqai), Give me love (Maǵan mahabbat syila), Battles of Memories (Estelikter shaiqasy), Restart My Love (Mahabbatty qaita bastaý) jáne Unforgettable Day (Umytylmas kún) kompozitsiialaryn tabiǵi daýysta oryndady. Jankúierler ony sahnadan jibergileri kelmegen.
