Niý-Iorktegi qazaq politseii Dimash Niiazov qazaq jáne amerikan politseileri arasynda boks shoýyn uiymdastyrý ideiasyn usyndy, dep habarlaidy QazAqparat.
«Bizde jazda jáne kúzde politseilerdiń qatysýymen boks shoýy uiymdastyrylady. Iaǵni politseiler bir-birimen judyryqtasady jáne onda qatardaǵy politsei óziniń bastyǵyn ringke shaqyra alady. Árine barlyǵy da boks erejesine sai ótkiziledi. Shoýǵa qatysý erikti túrde, al kórermender aqsha tólep kóredi. Halyq tarapynan atalǵan boks shoýyna suranys joǵary. Sebebi politseilerdiń ózara kúsh synasyp jatqany kóp adam úshin qyzyqty. Eń bastysy bul shara qaiyrymdylyq maqsatyn kózdeidi. Shoýdan túsken qarjy balalar úiine nemese basqa da muqtaj jandardyń qajetine jumsalady. Biz úshin bul qýantarlyq jaǵdai», - dedi D. Niiaz QR Sybailas jemqorlyqqa qarsy is-qimyl agenttiginiń uiymdastyrýymen onlain ótken baspasóz máslihatynda.
Onyń aitýynsha, politseilerden quralǵan boks toby alys-jaqyn shetelde ótetin týrnirlerge qatysady.
«Bizdiń komanda Irlandiia, Pýerto-Rikoda ótken politseiler arasyndaǵy boks týrnirine qatysty. Qazaqstanǵa barǵanda politseiler arasynda boks shoýyn uiymdastyrýdy ideiasyn usynbaqpyn. Múmkin men óz komandammen Qazaqstanǵa baryp, ondaǵy politseilermen birlesken shoý uiymdastyramyz. Menimshe, qyzyqty bolady dep oilaimyn. Qudai qalasa, karantindik jaǵdai rettelse kóremiz»,- dedi ol.
