نيۋ-يوركتەگٸ قازاق پوليتسەيٸ ديماش نييازوۆ قازاق جەنە امەريكان پوليتسەيلەرٸ اراسىندا بوكس شوۋىن ۇيىمداستىرۋ يدەياسىن ۇسىندى, دەپ حابارلايدى قازاقپارات.
«بٸزدە جازدا جەنە كٷزدە پوليتسەيلەردٸڭ قاتىسۋىمەن بوكس شوۋى ۇيىمداستىرىلادى. ياعني پوليتسەيلەر بٸر-بٸرٸمەن جۇدىرىقتاسادى جەنە وندا قاتارداعى پوليتسەي ٶزٸنٸڭ باستىعىن رينگكە شاقىرا الادى. ەرينە بارلىعى دا بوكس ەرەجەسٸنە ساي ٶتكٸزٸلەدٸ. شوۋعا قاتىسۋ ەرٸكتٸ تٷردە, ال كٶرەرمەندەر اقشا تٶلەپ كٶرەدٸ. حالىق تاراپىنان اتالعان بوكس شوۋىنا سۇرانىس جوعارى. سەبەبٸ پوليتسەيلەردٸڭ ٶزارا كٷش سىناسىپ جاتقانى كٶپ ادام ٷشٸن قىزىقتى. ەڭ باستىسى بۇل شارا قايىرىمدىلىق ماقساتىن كٶزدەيدٸ. شوۋدان تٷسكەن قارجى بالالار ٷيٸنە نەمەسە باسقا دا مۇقتاج جانداردىڭ قاجەتٸنە جۇمسالادى. بٸز ٷشٸن بۇل قۋانتارلىق جاعداي», - دەدٸ د. نيياز قر سىبايلاس جەمقورلىققا قارسى ٸس-قيمىل اگەنتتٸگٸنٸڭ ۇيىمداستىرۋىمەن ونلاين ٶتكەن باسپاسٶز مەسليحاتىندا.
ونىڭ ايتۋىنشا, پوليتسەيلەردەن قۇرالعان بوكس توبى الىس-جاقىن شەتەلدە ٶتەتٸن تۋرنيرلەرگە قاتىسادى.
«بٸزدٸڭ كوماندا يرلاندييا, پۋەرتو-ريكودا ٶتكەن پوليتسەيلەر اراسىنداعى بوكس تۋرنيرٸنە قاتىستى. قازاقستانعا بارعاندا پوليتسەيلەر اراسىندا بوكس شوۋىن ۇيىمداستىرۋدى يدەياسىن ۇسىنباقپىن. مٷمكٸن مەن ٶز كومانداممەن قازاقستانعا بارىپ, ونداعى پوليتسەيلەرمەن بٸرلەسكەن شوۋ ۇيىمداستىرامىز. مەنٸمشە, قىزىقتى بولادى دەپ ويلايمىن. قۇداي قالاسا, كارانتيندٸك جاعداي رەتتەلسە كٶرەمٸز»,- دەدٸ ول.
