Qytai men Qazaqstannyń alǵashqy birlesken «Voice Beyond Horizon» jobasy halyqaralyq deńgeidegi iri mýzykalyq teleshoý retinde kórermenge jol tartty, dep habarlaidy Ult.kz.
Álemdegi eń iri mediaholdingterdiń biri sanalatyn qytailyq Hunan TV telearnasymen birge júzege asqan jobanyń bastamashysy ári atqarýshy prodiýseri — Dimash Qudaibergen.
Mýzykalyq shoý men realiti-saiahat formatyn biriktirgen joba 5 aqpan men 23 sáýir aralyǵynda efirge shyqty. «Voice Beyond Horizon» baǵdarlamasy Qytai, Qazaqstan, Qyrǵyzstan, Italiia, Malaiziia jáne Serbiiadan kelgen 8 oryndaýshyny bir arnaǵa toǵystyryp, Uly Jibek jolynyń mádeni únin álemge tanytty.
Aýqymdy túsirilim jumystary Astana men Almaty qalalarynda, sondai-aq Túrkistan, Mańǵystaý, Almaty jáne Aqmola oblystarynda ótti. Kórermender kóne Túrkistandy, Bozjyra shatqalyn, Kaspii teńizi jaǵalaýyn, Qaiyńdy men Kóbeituz kólderin, sondai-aq Býrabai ulttyq tabiǵi parkin tamashalaý múmkindigine ie boldy.
Joba Qytaida aýditoriiasy 1,9 milliardtan asatyn Mango TV platformasy men Hunan TV arnasynda, al Qazaqstanda Qazaqstan ulttyq telearnasynan kórsetildi.
Efirlik kezeń barysynda baǵdarlamanyń barlyq 11 shyǵarylymy telereitingte birinshi orynǵa kóterildi. Internet platformalaryndaǵy jalpy qaralym sany 2,36 milliardqa jetse, Mango TV servisindegi kórsetkish 700 millionnan asty. Sonymen qatar joba 474 retten astam eń kóp talqylanǵan taqyryptar men trendter qataryna engen.
Baǵdarlama Qytaidyń basty partiialyq basylymy People’s Daily tarapynan tórt márte joǵary baǵalanyp, Xinhua News Agency arnaiy shyǵarylymyna arqaý boldy. Joba týraly 500-den astam qytailyq jetekshi BAQ pen 200-den astam sheteldik media keńinen jazǵan.
Uiymdastyrýshylardyń málimetinshe, joba bes eldiń 15 memlekettik jáne vedomstvolyq qurylymy tarapynan 50-den astam ret atalyp, resmi usynymdarǵa ie bolǵan. Qatysýshylardyń óner kórsetý sátterinen úzindiler tsifrlyq platformalarda millionnan astam qaralym jinady.
