قىتاي مەن قازاقستاننىڭ العاشقى بٸرلەسكەن «Voice Beyond Horizon» جوباسى حالىقارالىق دەڭگەيدەگٸ ٸرٸ مۋزىكالىق تەلەشوۋ رەتٸندە كٶرەرمەنگە جول تارتتى, دەپ حابارلايدى Ult.kz.
ەلەمدەگٸ ەڭ ٸرٸ مەدياحولدينگتەردٸڭ بٸرٸ سانالاتىن قىتايلىق Hunan TV تەلەارناسىمەن بٸرگە جٷزەگە اسقان جوبانىڭ باستاماشىسى ەرٸ اتقارۋشى پروديۋسەرٸ — ديماش قۇدايبەرگەن.
مۋزىكالىق شوۋ مەن رەاليتي-ساياحات فورماتىن بٸرٸكتٸرگەن جوبا 5 اقپان مەن 23 سەۋٸر ارالىعىندا ەفيرگە شىقتى. «Voice Beyond Horizon» باعدارلاماسى قىتاي, قازاقستان, قىرعىزستان, يتالييا, مالايزييا جەنە سەربييادان كەلگەن 8 ورىنداۋشىنى بٸر ارناعا توعىستىرىپ, ۇلى جٸبەك جولىنىڭ مەدەني ٷنٸن ەلەمگە تانىتتى.
اۋقىمدى تٷسٸرٸلٸم جۇمىستارى استانا مەن الماتى قالالارىندا, سونداي-اق تٷركٸستان, ماڭعىستاۋ, الماتى جەنە اقمولا وبلىستارىندا ٶتتٸ. كٶرەرمەندەر كٶنە تٷركٸستاندى, بوزجىرا شاتقالىن, كاسپيي تەڭٸزٸ جاعالاۋىن, قايىڭدى مەن كٶبەيتۇز كٶلدەرٸن, سونداي-اق بۋراباي ۇلتتىق تابيعي پاركٸن تاماشالاۋ مٷمكٸندٸگٸنە يە بولدى.
جوبا قىتايدا اۋديتوريياسى 1,9 ميللياردتان اساتىن Mango TV پلاتفورماسى مەن Hunan TV ارناسىندا, ال قازاقستاندا Qazaqstan ۇلتتىق تەلەارناسىنان كٶرسەتٸلدٸ.
ەفيرلٸك كەزەڭ بارىسىندا باعدارلامانىڭ بارلىق 11 شىعارىلىمى تەلەرەيتينگتە بٸرٸنشٸ ورىنعا كٶتەرٸلدٸ. ينتەرنەت پلاتفورمالارىنداعى جالپى قارالىم سانى 2,36 ميللياردقا جەتسە, Mango TV سەرۆيسٸندەگٸ كٶرسەتكٸش 700 ميلليوننان استى. سونىمەن قاتار جوبا 474 رەتتەن استام ەڭ كٶپ تالقىلانعان تاقىرىپتار مەن ترەندتەر قاتارىنا ەنگەن.
باعدارلاما قىتايدىڭ باستى پارتييالىق باسىلىمى People’s Daily تاراپىنان تٶرت مەرتە جوعارى باعالانىپ, Xinhua News Agency ارنايى شىعارىلىمىنا ارقاۋ بولدى. جوبا تۋرالى 500-دەن استام قىتايلىق جەتەكشٸ باق پەن 200-دەن استام شەتەلدٸك مەديا كەڭٸنەن جازعان.
ۇيىمداستىرۋشىلاردىڭ مەلٸمەتٸنشە, جوبا بەس ەلدٸڭ 15 مەملەكەتتٸك جەنە ۆەدومستۆولىق قۇرىلىمى تاراپىنان 50-دەن استام رەت اتالىپ, رەسمي ۇسىنىمدارعا يە بولعان. قاتىسۋشىلاردىڭ ٶنەر كٶرسەتۋ سەتتەرٸنەن ٷزٸندٸلەر تسيفرلىق پلاتفورمالاردا ميلليوننان استام قارالىم جينادى.
