Álemge tanymal qazaqstandyq ánshi Dimash Qudaibergen Máskeýde ekinshi kontsert beredi, – dep habarlaidy «Ult aqparat».
«Qymbatty dostar! Sizderdi qýana-qýana Máskeýde, 2020 jyly 9 naýryzda «Megasport» arenasynda ótetin ózimniń kontsertime shaqyramyn. Bul -kóńildi, kreativti jáne sezimge toly kesh bolady! Sizderdi kóktemniń alǵashqy merekelik kúnderi Máskeýde bolatyn ózimniń shoýyma shaqyramyn. Biletter Resei boiynsha týrnedegi biletterdi resmi satýmen ainalysatyn áriptes - https://icetickets.ru/ saitynda» dep jazdy Dimash Instagram paraqshasynda.
Budan basqa Dimash ekinshi kontsertiniń sansyz tyńdarmandarynyń suranysy boiynsha ótetindigin atai ketken.
Eske sala ketsek, Máskeýde 22 naýryzda Kreml saraiynda Dimash Qudaibergenniń birinshi jeke kontserti ótken edi. Oǵan ánshiniń shyǵarmashylyǵyna shynaiy berilgen álemniń 50-den astam elinen jankúierler kelgen bolatyn.
Sondai-aq Dimash budan buryn 25 naýryz kúni Praganyń «Tipsport-Arena»-synda ótetin Chehiiadaǵy alǵashqy jeke kontsertine de shaqyrǵan edi.
