21-22 shildege josparlanǵan reseilik juldyzdardyń kontserti Denis Tenniń mezgilsiz qaza tabýyna bailanysty keiinge qaldyryldy, dep habarlaidy "Ult aqparat".
«Astana EKSPO-2017» ulttyq kompaniiasy qazaqstandyq mánerlep syrǵanaýshy, 2014 jylǵy Olimpiada oiyndarynyń qola júldegeri Denis Tenniń mert bolýyna bailanysty jaqyndary men týystaryna kóńil aitady. Osyǵan bailanysty 21 shildege josparlanǵan DJ Smash kontserti bolmaidy. 22 shildege josparlanǵan Dima Bilannyń kotserti 15 tamyzǵa aýystyryldy», - dep habarlady ulttyq kompaniianyń baspasóz qyzmeti.
Eske sala keteiik, Denis Ten 19 shildede Almatyda pyshaq jaraqatynan qaza tapty. Aldyn ala málimetter boiynsha, meiramhanadan shyqqan sportshy Qurmanǵazy kóshesindegi avtoturaqta turǵan kóligine kele jatyp, Leksýstyń ainalaryn urlamaq bolǵan qaskóilerdi kóredi. Keibir oqiǵa kýágerleriniń aitýynsha, Denis urylardyń sońynan qýyp, toqtatpaq bolǵanda, olar onyń aiaǵyna pyshaq tyǵady. Pyshaqtyń júzi jambas kúretamyryna tigen. Ten sol jerde esinen tanady. Kóp qan joǵaltqan sportshy aýrýhanaǵa túskennen keiin eki saǵattan soń kóz jumdy.
Búgin tańerteń politsiia kúdiktilerdiń bireýin, Jambyl oblysynyń týmasy 24 jastaǵy Nuraly Qiiasovty ustaidy. Keiin onyń buǵan deiin zańdy buzǵany anyqtaldy. Ol byltyr mas kúiinde rólge otyrǵany úshin úsh jylǵa júrgizýshy kýáliginen aiyrylǵan. Budan bólek, ótken jyly urlyq jasaǵany úshin sotty bolǵan, biraq is taraptar mámilege kelgen soń jabylǵan. Qiiasov qylmys jasaǵanyn moiyndady.Ekinshi kúdikti – 23 jastaǵy Qyzylorda oblysynyń týmasy Arman Qudaibergenov búgin keshke ustaldy.
