21-22 شٸلدەگە جوسپارلانعان رەسەيلٸك جۇلدىزداردىڭ كونتسەرتٸ دەنيس تەننٸڭ مەزگٸلسٸز قازا تابۋىنا بايلانىستى كەيٸنگە قالدىرىلدى, دەپ حابارلايدى "ۇلت اقپارات".
«استانا ەكسپو-2017» ۇلتتىق كومپانيياسى قازاقستاندىق مەنەرلەپ سىرعاناۋشى, 2014 جىلعى وليمپيادا ويىندارىنىڭ قولا جٷلدەگەرٸ دەنيس تەننٸڭ مەرت بولۋىنا بايلانىستى جاقىندارى مەن تۋىستارىنا كٶڭٸل ايتادى. وسىعان بايلانىستى 21 شٸلدەگە جوسپارلانعان DJ Smash كونتسەرتٸ بولمايدى. 22 شٸلدەگە جوسپارلانعان ديما بيلاننىڭ كوتسەرتٸ 15 تامىزعا اۋىستىرىلدى», - دەپ حابارلادى ۇلتتىق كومپانييانىڭ باسپاسٶز قىزمەتٸ.
ەسكە سالا كەتەيٸك, دەنيس تەن 19 شٸلدەدە الماتىدا پىشاق جاراقاتىنان قازا تاپتى. الدىن الا مەلٸمەتتەر بويىنشا, مەيرامحانادان شىققان سپورتشى قۇرمانعازى كٶشەسٸندەگٸ اۆتوتۇراقتا تۇرعان كٶلٸگٸنە كەلە جاتىپ, لەكسۋستىڭ اينالارىن ۇرلاماق بولعان قاسكٶيلەردٸ كٶرەدٸ. كەيبٸر وقيعا كۋەگەرلەرٸنٸڭ ايتۋىنشا, دەنيس ۇرىلاردىڭ سوڭىنان قۋىپ, توقتاتپاق بولعاندا, ولار ونىڭ اياعىنا پىشاق تىعادى. پىشاقتىڭ جٷزٸ جامباس كٷرەتامىرىنا تيگەن. تەن سول جەردە ەسٸنەن تانادى. كٶپ قان جوعالتقان سپورتشى اۋرۋحاناعا تٷسكەننەن كەيٸن ەكٸ ساعاتتان سوڭ كٶز جۇمدى.
بٷگٸن تاڭەرتەڭ پوليتسييا كٷدٸكتٸلەردٸڭ بٸرەۋٸن, جامبىل وبلىسىنىڭ تۋماسى 24 جاستاعى نۇرالى قيياسوۆتى ۇستايدى. كەيٸن ونىڭ بۇعان دەيٸن زاڭدى بۇزعانى انىقتالدى. ول بىلتىر ماس كٷيٸندە رٶلگە وتىرعانى ٷشٸن ٷش جىلعا جٷرگٸزۋشى كۋەلٸگٸنەن ايىرىلعان. بۇدان بٶلەك, ٶتكەن جىلى ۇرلىق جاساعانى ٷشٸن سوتتى بولعان, بٸراق ٸس تاراپتار مەمٸلەگە كەلگەن سوڭ جابىلعان. قيياسوۆ قىلمىس جاساعانىن مويىندادى.ەكٸنشٸ كٷدٸكتٸ – 23 جاستاعى قىزىلوردا وبلىسىنىڭ تۋماسى ارمان قۇدايبەرگەنوۆ بٷگٸن كەشكە ۇستالدى.
