Destrýktivti kúshter birneshe ret turaqtylyqty buzýǵa talpyndy. Bul týraly UQShU Ujymdyq qaýipsizdik keńesiniń kezekten tys sessiiasynda QR Prezidenti Qasym-Jomart Toqaev málim etti, dep habarlaidy QazAqparat.
Memleket basshysy destrýktivti kúshter birneshe ret turaqtylyqty buzyp, tártipsizdik ornatýǵa áreket etkenin atap ótti.
«Memlekettiń turaqtylyǵy men qýattylyǵyna áldebir testileý júrgizildi. Bul is-qimyldardyń barlyǵyna tosqaýyl qoiyldy. Alaida uiymdastyrýshylar ózderiniń josparlaryn keiinge qaldyrmai, qarýly qylmystardy daiarlaýǵa kóshti. Olar sebep retinde birqatar óńirde avtomobil gazyna baǵanyń ósimine halyqtyń narazylyǵyn paidalandy. Mitingiler ótip, olardyń qatysýshylary áleýmettik-ekonomikalyq jáne qoǵamdyq-saiasi talaptardy jariialady. Olardyń barlyǵy estildi jáne memleket tarapynan oryndaldy», - dedi QR Prezidenti.
Aita keteiik, búgin UQShU Ujymdyq qaýipsizdik keńesiniń kezekten tys sessiiasy ótip jatyr. Jiyn Qazaqstan tarapynyń bastamasymen shaqyryldy.
