دەسترۋكتيۆتٸ كٷشتەر بٸرنەشە رەت تۇراقتىلىقتى بۇزۋعا تالپىندى. بۇل تۋرالى ۇقشۇ ۇجىمدىق قاۋٸپسٸزدٸك كەڭەسٸنٸڭ كەزەكتەن تىس سەسسيياسىندا قر پرەزيدەنتٸ قاسىم-جومارت توقاەۆ مەلٸم ەتتٸ, دەپ حابارلايدى قازاقپارات.
مەملەكەت باسشىسى دەسترۋكتيۆتٸ كٷشتەر بٸرنەشە رەت تۇراقتىلىقتى بۇزىپ, تەرتٸپسٸزدٸك ورناتۋعا ەرەكەت ەتكەنٸن اتاپ ٶتتٸ.
«مەملەكەتتٸڭ تۇراقتىلىعى مەن قۋاتتىلىعىنا ەلدەبٸر تەستٸلەۋ جٷرگٸزٸلدٸ. بۇل ٸس-قيمىلداردىڭ بارلىعىنا توسقاۋىل قويىلدى. الايدا ۇيىمداستىرۋشىلار ٶزدەرٸنٸڭ جوسپارلارىن كەيٸنگە قالدىرماي, قارۋلى قىلمىستاردى دايارلاۋعا كٶشتٸ. ولار سەبەپ رەتٸندە بٸرقاتار ٶڭٸردە اۆتوموبيل گازىنا باعانىڭ ٶسٸمٸنە حالىقتىڭ نارازىلىعىن پايدالاندى. ميتينگٸلەر ٶتٸپ, ولاردىڭ قاتىسۋشىلارى ەلەۋمەتتٸك-ەكونوميكالىق جەنە قوعامدىق-ساياسي تالاپتاردى جارييالادى. ولاردىڭ بارلىعى ەستٸلدٸ جەنە مەملەكەت تاراپىنان ورىندالدى», - دەدٸ قر پرەزيدەنتٸ.
ايتا كەتەيٸك, بٷگٸن ۇقشۇ ۇجىمدىق قاۋٸپسٸزدٸك كەڭەسٸنٸڭ كەزەكتەن تىس سەسسيياسى ٶتٸپ جاتىر. جيىن قازاقستان تاراپىنىڭ باستاماسىمەن شاقىرىلدى.
