Depýtattyqqa jastar men áielder, bilikti mamandar kelýine jaǵdai jasaldy. Bul týraly elordadaǵy «Astana Opera» teatrynda ornalasqan №115 sailaý ýchaskesinde daýys bergennen keiin Elbasy Nursultan Nazarbaev málim etti, dep habarlaidy "Ult aqparat".
«Biyl elimizdiń Táýelsizdik alǵanyna 30 jyl tolady. Osy oraida kóp jumystar jasalady. Ózderińiz bilesizder, óte aýqymdy úgit-nasihat jumystary júrgizildi. Depýtattardyń arasyna jańa adamdar men jastar, áielder, bilikti mamandar kelsin degen nietpen aldyn ala tańdaý jasalyp, praimeriz boldy. Sailaý tek daýys berý ǵana emes, ol elimizdiń bolashaǵyna bailanysty. Qazaq eliniń, Otanymyzdyń bolashaǵy men úmiti, múddesi bir. Bizdiń qanymyz da, janymyz da, jerimiz de bir. Sondyqtan álem aldynda taǵy da bir birligimizdi kórsetý kerek», - dedi QR Tuńǵysh Prezidenti.
Osy oraida N. Nazarbaev bul sailaýda el bolashaǵy men birligi úshin, elimizdiń tynyshtyǵy úshin daýys beretinin atap ótti.
«Sondyqtan daýys berýge kelmegen azamattardy sailaý ýchaskesine kelip, óziniń azamattyq ári konstitýtsiialyq quqyǵyn oryndaýǵa shaqyramyn», - dedi Elbasy.
Eske sala ketsek, búgin Qazaqstan aýmaǵynda qurylǵan barlyq sailaý ýchaskesinde daýys berý júrip jatyr.
Depýtattardy sailaý boiynsha daýys berý Qazaqstan Respýblikasynyń aýmaǵynda jáne odan tysqary jerde qurylǵan 10 060 sailaý ýchaskesinde júrgizilip otyr. Sailaý komissiialary daýys berý orny men ýaqyty týraly der ýaqytynda aqparat berdi. Elorda ýaqytymen saǵat 08.00-de jaǵdai boiynsha elimizdegi 9 994 sailaý ýchaskesinde jáne shet memleketterdegi qazaqstan ókildikteri janyndaǵy 17 sailaý ýchaskesinde daýys berý bastaldy.
Konstitýtsiialyq merzimge sai ótip jatqan Májilis sailaýyna elimizde tirkelgen 5 saiasi partiia, atap aitqanda, «Aýyl» halyqtyq-demokratiialyq patriottyq partiiasy, «Nur Otan» partiiasy, «ADAL» saiasi partiiasy, Qazaqstannyń «Aq jol» demokratiialyq partiiasy, «Qazaqstannyń Halyq partiiasy» depýtattyq mandattan úmitti.
.jpeg)