Qazaqsta Respýblikasynyń
Premer-Ministri B.Á.Saǵyntaevqa
DEPÝTATTYQ SAÝAL
Qurmetti Baqytjan Ábdiruly!
Aldaǵy, 2017 jyly – Alash ulttyq avtonomiiasynyń, Alash partiiasynyń jáne Alash Orda úkimetiniń qurylǵanyna 100 jyl tolady. Bul – ulttyq-demokratiialyq qozǵalys tarihyndaǵy eleýli kezeń. Alash qozǵalysynyń ustanymdary qazaq memlekettigin maqsat etti. Biraq, Azattyqtyń jarshysy bolǵan Álihan Bókeihan bastaǵan Alash qairatkerlerine kózdegen maqsattaryna jetýge múmkindik bolmady. Alash arystarynyń eń basty eńbegi - olar zamannyń qiynshylyqtaryna qaramastan el erkindigine atsalysyp, qoldan kelgenniń bárin jasady. Sol jolda olar qanyn da, janyn da aiaǵan joq.
Degenmen, bostandyq jolynda qurban bolǵan Alash arystarynyń eńbegi men erligi zaia ketken joq. Olardyń arman-maqsattary búgingi tańda oryndaldy. Búgingi Táýelsiz Qazaqstan oǵan dálel. Alash qairatkerleriniń tájiribesi Elbasy aiqyndap bergen «Máńgilik El» patriottyq aktysymen úndesip jatyr. Prezidentimiz N.Á.Nazarbaev óziniń «Tarih tolqynynda» eńbeginiń «Alash murasy jáne osy zaman» atty taraýynda «HH ǵasyrdyń basyndaǵy qazaq qoǵamynda ziialy qaýym qalyptasýynyń urpaqtar estafetasy siiaqty sipaty bolǵanyn atap aitqan abzal» dep kórsetken bolatyn.
Endeshe, «Alashtyń» 100 jyldyǵyn el ómirindegi mańyzdy tarihi oqiǵa retinde baǵalap, jas urpaqty otansúigishtikke, memleketshildikke tárbieleýdiń birden-bir joly dep sanap, onyń daiyndyǵyna Úkimetti, basqa da memlekettik organdar men qoǵamdyq uiymdardy qazirden kirisýge shaqyramyz.
Ony ótkizýdi salmaqty ári sapaly daiyndyqpen josparlaý qajet dep sanaimyz. «Aq jol» fraktsiiasy Qazaqstan Respýblikasy Úkimetine, qazaq halqynyń bostandyǵy úshin aianbai eńbek etken Alash qairatkerlerin laiyqty ulyqtaýǵa arnalǵan tanymdyq is-sharalar belgilep, iske asyrýdy usynady.
Osy usynysymyzdy eskere otyryp, kóterilgen máselege orai Úkimet tarapynan qabyldanatyn sharalar jóninde habardar etýińizdi suraimyz.
Qurmetpen,
«Aq jol» QDP parlamenttik
fraktsiiasynyń depýtattary
A.Perýashev
E.Barlybaev
E.Nikitinskaia
K.Absatirov
B.Dúisenbinov
D.Espaeva
M.Qazbekova
Ult portaly
