Búgingi Úkimet otyrysynda 2017-2019 jyldarǵa arnalǵan respýblikalyq biýdjetti naqtylaý týraly Zań jobasyn talqylaýda QR Qarjy ministri Baqyt Sultanov «Áskeri qyzmetshilerdiń, ishki ister organdary qyzmetshileriniń jalaqysyn kóterýge 33,1 mlrd teńge kózdelgenin» habarlaǵan bolatyn.
Otyrystan keiin Qarjy ministri «QazAqparat» tilshisine depýtattardyń jalaqysy týraly ashyp aityp berdi. «Jalaqyǵa qatysty barlyq máselelerdi bir sóilemmen baiandaý kóp adamdy jańyldyrǵan tárizdi. Sol sebepti jalaqyny ósirý týraly naqtylap túsindirgim keledi, - dedi Sultanov. - Jalpy soma - 33,1 mlrd teńgeniń 32,5 mlrd teńgesi áskeri qyzmetshilerdiń jáne ishki ister organdary qyzmetshileriniń qyzmettik jalaqylaryn biylǵy jyldyń 1 shildesinen bastap, 25%-ke kóterýge jumsalady. Depýtattarǵa keler bolsaq, munda parlamentariilerdiń jalaqysyn memlekettik qyzmetshilerdiń ózge sanattarynyń deńgeiine deiin teńestirý kózdelgen. Ózderińiz biletindei, bul teńestirý biylǵy kóktemde júzege asty. Atalǵan maqsattarǵa 640 mln teńge qarastyrylǵan», - dep atap ótti ministr.
«Respýblikalyq biýdjet týraly zań bekitilmeiinshe, qarjylandyrý kólemderi boiynsha túzetýler júzege aspaidy. Sondyqtan, búgingi naqtylaý aiasynda Zań jobasy buryn qabyldanǵan normalarmen birge keltirildi. Sáikesinshe, eńbekaqyny taǵy da kóterý týraly áńgime bolmaýy tiis», - dedi Baqyt Sultanov.
