بٷگٸنگٸ ٷكٸمەت وتىرىسىندا 2017-2019 جىلدارعا ارنالعان رەسپۋبليكالىق بيۋدجەتتٸ ناقتىلاۋ تۋرالى زاڭ جوباسىن تالقىلاۋدا قر قارجى مينيسترٸ باقىت سۇلتانوۆ «ەسكەري قىزمەتشٸلەردٸڭ, ٸشكٸ ٸستەر ورگاندارى قىزمەتشٸلەرٸنٸڭ جالاقىسىن كٶتەرۋگە 33,1 ملرد تەڭگە كٶزدەلگەنٸن» حابارلاعان بولاتىن.
وتىرىستان كەيٸن قارجى مينيسترٸ «قازاقپارات» تٸلشٸسٸنە دەپۋتاتتاردىڭ جالاقىسى تۋرالى اشىپ ايتىپ بەردٸ. «جالاقىعا قاتىستى بارلىق مەسەلەلەردٸ بٸر سٶيلەممەن بايانداۋ كٶپ ادامدى جاڭىلدىرعان تەرٸزدٸ. سول سەبەپتٸ جالاقىنى ٶسٸرۋ تۋرالى ناقتىلاپ تٷسٸندٸرگٸم كەلەدٸ, - دەدٸ سۇلتانوۆ. - جالپى سوما - 33,1 ملرد تەڭگەنٸڭ 32,5 ملرد تەڭگەسٸ ەسكەري قىزمەتشٸلەردٸڭ جەنە ٸشكٸ ٸستەر ورگاندارى قىزمەتشٸلەرٸنٸڭ قىزمەتتٸك جالاقىلارىن بيىلعى جىلدىڭ 1 شٸلدەسٸنەن باستاپ, 25%-كە كٶتەرۋگە جۇمسالادى. دەپۋتاتتارعا كەلەر بولساق, مۇندا پارلامەنتارييلەردٸڭ جالاقىسىن مەملەكەتتٸك قىزمەتشٸلەردٸڭ ٶزگە ساناتتارىنىڭ دەڭگەيٸنە دەيٸن تەڭەستٸرۋ كٶزدەلگەن. ٶزدەرٸڭٸز بٸلەتٸندەي, بۇل تەڭەستٸرۋ بيىلعى كٶكتەمدە جٷزەگە استى. اتالعان ماقساتتارعا 640 ملن تەڭگە قاراستىرىلعان», - دەپ اتاپ ٶتتٸ مينيستر.
«رەسپۋبليكالىق بيۋدجەت تۋرالى زاڭ بەكٸتٸلمەيٸنشە, قارجىلاندىرۋ كٶلەمدەرٸ بويىنشا تٷزەتۋلەر جٷزەگە اسپايدى. سوندىقتان, بٷگٸنگٸ ناقتىلاۋ اياسىندا زاڭ جوباسى بۇرىن قابىلدانعان نورمالارمەن بٸرگە كەلتٸرٸلدٸ. سەيكەسٸنشە, ەڭبەكاقىنى تاعى دا كٶتەرۋ تۋرالى ەڭگٸمە بولماۋى تيٸس», - دەدٸ باقىت سۇلتانوۆ.
