Foto: Ulttyq banktiń baspasóz qyzmeti
"Aq jol" fraktsiiasynyń múshesi, Májilis depýtaty Asqar Sadyqov Ulttyq banktiń bazalyq mólsherlemesin 10-12%-ke deiin tómendetýdi jáne shaǵyn jáne orta biznes kreditterin sýbsidiialaýdy shuǵyl qaita bastaýdy usyndy, dep habarlaidy Sputnik Qazaqstan.
"Ulttyq banktiń 16,5%-tik joǵary bazalyq mólsherlemesi memleket bóletin qarajattyń eń aldymen bankterdiń ózderine tiimdiligin arttyrady. "Aq jol" fraktsiiasy bankterdiń tábetin shektep, bazalyq mólsherlemeni kem degende 10-12%-ke deiin tómendetý qajet dep sanaidy", - dedi depýtat.
Parlamenttegiler tómendetilgen mólsherleme kásipkerlerge beriletin nesielerdiń paiyzyn azaitýǵa múmkindik beretinine senimdi.
Ol tek "Damý" qoryna 201,9 mlrd teńge somaǵa sýbsidiialaýǵa 699 ótinim turǵanyn aitty. Depýtattyń aitýynsha, sýbsidiia tapshylyǵy birneshe jyldan beri jalǵasyp keledi.
25 tamyzda Qazaqstan ulttyq banki bazalyq mólsherlemeni 16,75%-ten 16,5%-ke deiin tómendetti.
"Bazalyq mólsherleme ósken saiyn jeke tulǵalarǵa arnalǵan depozittik mólsherlemeler ósedi, biraq nesieler qymbattaidy. Al protsenti tómendegen bazalyq mólsherleme oń áserin beredi", deidi parlamenttegiler.
