QR Parlamenti Májilisindegi «Halyq kommýnisteri» fraktsiiasynyń depýtattary «Saryarqa» gaz qubyryna qosylatyn turǵyndar shyǵynyn sýbsidiialaýdy usyndy, dep habarlaidy QazAqparat.
«Qazaqstannyń ortalyq jáne soltústik oblystaryngazben qamtamasyz etý úshin «Saryarqa« gaz qubyry salyndy. Nátijesinde gaz qubyry boiynsha ornalasqan irgeles 171 eldi mekenniń shamamen 2,7 mln turǵyny jylý jáne ózge de turmysyq maqsatta tabiǵi gaz alý múmkindigine ie bolyp otyr. Qazaqstannyń kommýnistik halyq partiiasynyń qoǵamdyq qabyldaýyna Nur-Sultan, Qaraǵandy, Temirtaý, Jezqazǵan qalalarynyń turǵyndar gazdy úige kirgizý shyǵyndaryny joǵary ekendigine jáne gaz baǵasynyń ózi qymbattyǵyna shaǵymdanýda. Respýblikada halyqqa arnalǵan taýarlyq gazdyń baǵasy QQS-ti qospaǵanda 1 tekshe metri úshin óńirlerge bailanysty 7 269-dan 30 600 teńgege deiin aiqyndalǵan. Bul rette eń joǵary tarif Nur-Sultan qalasynda bekitilgen», - dedi Úkimet basshysy Asqar Maminniń atyna depýtattyq saýal joldaǵan Jambyl Ahmetbekov.
Onyń dereginshe, qazandyq qunyn qosa alǵanda bir úidi gazǵa qosý boiynsha qurylys-montajdaý jumystarynyń ortasha quny 350 myń teńgeni quraidy. Al bul áleýmettik az qamtylǵan azamattar úshin óte qymbat ekeni sózsiz.
«Qazaqstanyń gaz tartylǵan ortalyq jáne soltústik oblystarynda qystaǵy ortasha temperatýra óte tómen ekendigin eskere otyryp, sizden «Saryarqa« gaz qubyryna qosylatyn barlyq 171 eldi meken úshin jylý maýsymynda taýarlyq gaz qunyn jáne halyqtyń az qamtylǵan tobyna gaz taratý jelilerine qosylý shyǵyndaryn sýbsidiialaý baǵdarlamasyn ázirleýdi jáne qabyldaýdy tapsyrýyńyzdy ótinemiz», - dedi Májilis depýtaty.
