- Búgin Májilistiń jalpy otyrysynda QR Premer-Ministriniń orynbasary Imanǵali Tasmaǵambetovtiń atyna depýtattyq saýal joldaǵan Káribai Musyrman Mádeniet jáne sport ministrliginiń janynan án óneri boiynsha kórkemdik keńes qurý usynysyn jasady, dep habarlaidy "Ult aqparat".
«Halqymyzdyń án óneriniń ózekti máselelerin sheshý maqsatynda birqatar usynystar jasaimyz. Iaǵni Mádeniet jáne sport ministrliginiń janynan án óneri boiynsha kórkemdik keńes qurý qajet. Onyń quramyna elimizge belgili óner qairatkerleri engizilgeni jón. Kórkemdik keńes kópshilik sahnalarda oryndalatyn jáne teleradio arnalary arqyly taratylatyn ánderdiń, áýender men óleńderdiń kásibi deńgeiin baǵalaýǵa, sondai-aq halyq ánderi men áigili kompozitorlardyń ánderin burmalaýǵa jol bermeýdi qadaǵalaýǵa tiisti»,-dedi K. Musyrman.
Onyń paiymynsha, jańa ánder jazýda belgili kompozitorlar men aqyndar arasynda tyǵyz shyǵarmashylyq bailanysty ornatý kerek. Telearna men radio arqyly halyq ánderin, halyq kompozitorlarynyń asyl muralaryn jáne osy zamanǵa belgili kompozitorlardyń shyǵarmalaryn keńinen nasihattaý qajet.
«Dástúrli ánderdi oryndaityn daryndy ánshilerdiń elimizdiń úlken qalalarynyń sahnalarynda jeke kontsertterin júieli uiymdastyrý, sondai-aq dástúrli ánder oryndaýshylardyń óńirlik jáne respýblikalyq baiqaýlaryn ótkizý qolǵa alynsa, nur ústine nur», - dedi depýtat.
.jpeg)