Búgin Parlament Májilisiniń jalpy otyrysynda ulttyq deńgeide qosymsha karantin sharalaryn engizý máselesi kóterildi. Osy oraida Úkimet basshysy Asqar Maminniń atyna depýtattyq saýal joldandy, dep habarlaidy "Ult aqparat".
Úkimettiń pandemiiaǵa qarsy birinshi kezeńdegi is-qimyldary joǵary baǵalanyp otyrǵanyna toqtalǵan depýtat Merýert Qazbekova: «Osynyń nátijesinde, basqa eldermen salystyrǵanda pandemiia aitarlyqtai baiaýlady. Onymen bir mezgilde, birqatar óńirde shekteýler joiylǵannan keiin, koronavirýsqa shaldyǵýdyń kúrt ósimi baqaldy», - dedi.
Osy oraida ol halyq tarapynan tiisti shaǵymdar kelip túsip jatqanyn jetkizdi. Shaǵymdardyń basym bóligi koronavirýsqa qatysty testilerdiń tapshylyǵyna bailanysty.
Depýtattyń aitýynsha, elordada test tapsyrýǵa kezekke turý úshin eki kún buryn qamdaný kerek. Osy tektes shaǵymdar óńirlerden de bolyp jatyr.
«Árine, aýrýdyń taralýyna adamdardyń qaýipsizdik talaptaryn saqtamaýy áser etip jatqany belgili. Sondyqtan qaýiptilik jaǵdaiy joǵary óńirlerde karantinniń kúsheitilýin qoldaimyz», - dedi M. Qazbekova.
Bul turǵyda ol qosymsha karantin sharalaryn ulttyq deńgeide engizý múmkindigin qarastyrýdy usyndy. Sonymen qatar koronavirýsty sipmtomdy jutyrǵandardy aýrýhaǵana jatqyzýǵa qatysty shuǵyl sharalar qabyldaý kerektigi aityldy.
