بٷگٸن پارلامەنت مەجٸلٸسٸنٸڭ جالپى وتىرىسىندا ۇلتتىق دەڭگەيدە قوسىمشا كارانتين شارالارىن ەنگٸزۋ مەسەلەسٸ كٶتەرٸلدٸ. وسى ورايدا ٷكٸمەت باسشىسى اسقار ماميننٸڭ اتىنا دەپۋتاتتىق ساۋال جولداندى, دەپ حابارلايدى "ۇلت اقپارات".
ٷكٸمەتتٸڭ پاندەميياعا قارسى بٸرٸنشٸ كەزەڭدەگٸ ٸس-قيمىلدارى جوعارى باعالانىپ وتىرعانىنا توقتالعان دەپۋتات مەرۋەرت قازبەكوۆا: «وسىنىڭ نەتيجەسٸندە, باسقا ەلدەرمەن سالىستىرعاندا پاندەمييا ايتارلىقتاي باياۋلادى. ونىمەن بٸر مەزگٸلدە, بٸرقاتار ٶڭٸردە شەكتەۋلەر جويىلعاننان كەيٸن, كوروناۆيرۋسقا شالدىعۋدىڭ كٷرت ٶسٸمٸ باقالدى», - دەدٸ.
وسى ورايدا ول حالىق تاراپىنان تيٸستٸ شاعىمدار كەلٸپ تٷسٸپ جاتقانىن جەتكٸزدٸ. شاعىمداردىڭ باسىم بٶلٸگٸ كوروناۆيرۋسقا قاتىستى تەستٸلەردٸڭ تاپشىلىعىنا بايلانىستى.
دەپۋتاتتىڭ ايتۋىنشا, ەلوردادا تەست تاپسىرۋعا كەزەككە تۇرۋ ٷشٸن ەكٸ كٷن بۇرىن قامدانۋ كەرەك. وسى تەكتەس شاعىمدار ٶڭٸرلەردەن دە بولىپ جاتىر.
«ەرينە, اۋرۋدىڭ تارالۋىنا ادامداردىڭ قاۋٸپسٸزدٸك تالاپتارىن ساقتاماۋى ەسەر ەتٸپ جاتقانى بەلگٸلٸ. سوندىقتان قاۋٸپتٸلٸك جاعدايى جوعارى ٶڭٸرلەردە كارانتيننٸڭ كٷشەيتٸلۋٸن قولدايمىز», - دەدٸ م. قازبەكوۆا.
بۇل تۇرعىدا ول قوسىمشا كارانتين شارالارىن ۇلتتىق دەڭگەيدە ەنگٸزۋ مٷمكٸندٸگٸن قاراستىرۋدى ۇسىندى. سونىمەن قاتار كوروناۆيرۋستى سيپمتومدى جۇتىرعانداردى اۋرۋحاعانا جاتقىزۋعا قاتىستى شۇعىل شارالار قابىلداۋ كەرەكتٸگٸ ايتىلدى.
