© Photo: Rixabay
"Aq jol" partiiasy fraktsiiasynyń depýtattary kásipkerlerdi tekserýge moratoriidi taǵy bir jylǵa uzartýdy jáne oǵan orta biznesti qosýdy usyndy, dep habarlaidy Sputnik Qazaqstan.
Májilis depýtaty Asqar Sadyqov 2019 jyly mikro jáne shaǵyn biznesti tekserýge úsh jylǵa moratorii jariialanǵanyn, keiin ol taǵy bir jylǵa uzartylǵanyn eske saldy. Onyń aitýynsha, koronavirýs pandemiiasy órship turǵan kezde jáne karantinnen keiingi kezeńde moratorii kásipkerlerge eleýli kómek boldy.
"Bas prokýratýra Quqyqtyq statistika jáne arnaiy esepke alý komitetiniń resmi málimetine súiensek, eger 2019 jyly shaǵyn jáne mikrobizneske 128 myńnan astam ret tekseris jasalsa, 2020 jyly olardyń sany 5 ese qysqarǵan. Osylaisha moratoriidiń engizilýi memleket tarapynan biznesti qoldaýǵa kórsetilgen tiimdi sharalardyń biri boldy", - dedi Sadyqov Premer-ministrge joldaǵan depýtattyq saýalynda.
Osy oraida májilismen Prezident Úkimetten orta biznesti qoldaýǵa baǵyttalǵan naqty sharalar qabyldaýdy birneshe ret talap etkenin atap ótti.
Sadyqovtyń aqparatynsha, ShOB sýbektileriniń nebári 0,2 protsentin quraityn orta kásipkerlik osy saladaǵy óndiristiń 20 paiyzyn qalyptastyryp otyr. Alaida memlekettik qoldaý sharalarynyń barlyǵy, tipti moratoriidiń ózi shaǵyn jáne mikrobizneske baǵyttalǵan.
"Orta biznesti qoldaý úshin eshteńe joq. Sol sebepti tabysty shaǵyn kásiporyndar orta bizneske ótkisi de kelmeidi", - deidi depýtat.
Osyǵan bailanysty "Aq jol" fraktsiiasynyń depýtattary kásipkerlerdi tekserýge moratoriidi 2024 jyldyń sońyna deiin uzartýdy usyndy.
Sondai-aq olar moratoriidi orta kásiporyndarǵa da qoldanýdy oryndy dep sanaidy.
Esterińizge sala keteiik, shaǵyn jáne mikrokásipkerlik sýbektilerin tekserýge moratorii 2020 jylǵy qańtarda jariialanǵan bolatyn. Bastapqyda moratorii úsh jylǵa josparlandy. Alaida Prezidenttiń jarlyǵymen ol 2023 jyldyń sońyna deiin sozyldy.
