Depýtattar balalar úiine aiaqasty tekseris júrgizip otyrý ideiasyn qoldady, - dep habarlaidy "Ult aqparat" kaz.tengrinews.kz portalyna silteme jasap.
Parlamenttiń tómengi palatasynyń depýtaty Irina Smirnova úkimet pen QR-daǵy Balalar quqy boiynsha ýákilden eldegi barlyq balalar úiine tekseris júrgizýin surady.
"Sońǵy kezderi balalar úiindegi zorlyq kórsetýdiń faktorlary belgili bola bastady - psihologiialyq, fizikalyq, seksýaldyq sipatta. Tárbieshilerdiń balalarǵa, jasy úlken tárielenýshilerdiń kishilerge zorlyq kórsetý faktileri anyqtalyp jatyr. Jetim balalarǵa qatysty zorlyq kórsetý ádetke ainalyp barady. Jetim jáne kemtar balalar jyldap járdemaqy almaidy, tamaqty toiyp ishpeidi, al ókimet bóletin kiimdi jyrtylǵansha kiedi. Bul týraly prokýratýra tekseristeriniń qorytyndysy boiynsha belgili boldy", - dep oqydy Irina Smirnova depýtattyq saýalyn.
"QR Balalar quqy boiynsha ýákil Zaǵipa Balievanyń balalar úilerinde aiaq asty tekserister ótkizý oiyn tolyqtai qoldaimyz", - deidi depýtat.
Irina Smirnova Bilim jáne ǵylym ministrligi, Bas prokýratýra men qoǵamdyq balalar úiine tekseris jasaýy qajet dep esepteidi. Sonymen qatar, ol jetim balalardy otbasylarǵa ornalastyrý qajettigin eske salyp, jetimder úiinen bala asyrap alǵan otbasylaryna demeý kórsetý kerektigin aitty.
"Búginde patronat otbasylaryna aiyna 20 myń teńge beriledi. Al balalar úiine osy ýaqytqa 150 myń teńge bólinedi. Eger asyrap alýshy otbasylarǵa bara-bar aqsha tólense balalar úii jabylyp qalýy ábden múmkin", - dep atap ótti Smirnova.
Sonymen qatar, ol Qazaqstanda jetim jáne ata-anasynyń qaraýynsyz qalǵan balalar tárbielenetin 106 mekeme baryn jáne onda alty myńnan astam bala ómir súrip jatqany týraly málimet keltire ketti.
.jpeg)